Италија и натаму е во шок и неверување по ненадејната смрт на лидерот на Фиорентина, стоперот Давиде Астори. Во текот на вчерашниот ден многу негови соиграчи и колеги спортисти се простуваа од него. Најтрогателна порака остави Џиџи Буфон кој ретко во јавноста зборува за личните односи со фудбалерите.

Фудбалерите на Џенова се во серија од три победи по ред со кои се искачија на 12-та позиција на табелата. Две од тие средби ги реши нашиот најдобар фудбалер и тоа против неговите два поранешни клубови. Официјалниот спикер на домаќините го запали Луиџи Ферарис по голот на Пандев против Интер.

Капитенот на македонската репрезентација нема милост кон своите поранешни клубови. Откако пред две недели беше стрелец за големи 3 бода на Џенова против Лацио на Олимпико, вечерва стрелаше и против тимот со кој ја освои тројната круна.

Фудбалерите на Џенова го совладаа Лацио на гости со 1:2 во последниот меч од 23. коло во Серија А, а една реномирана новинска агенција изненади повеќе од резултатот во Рим.

И покрај тоа што ја спука со Лотито, трпеше мобинг и на крајот мораше да дојде до разделба со клубот по судски пат, сепак капитенот на македонската репрезентација не заборава кој го порасна како играч.

На последниот натпревар од 23. коло во Серија А се случи големо изненадување. Фудбалерите на Џенова го шокираа Лацио среде Рим со конечни 1:2. Првиот гол на средбата го постигна Горан Пандев во 55-та минута. Македонскиот репрезентативец постигнува три гола против својот поранешен клуб откако го носи дресот на Џенова.

На официјалниот сајт на Светската фудбалска унија се појави голема статија во чест на одличните настапи на македонската фудбалска репрезентација која слави јубилеј од 25 години учество на меѓународна фудбалска сцена.

Трикратниот европски првак Интер на својот официјален сајт отстапува простор за приказни посветени на важните луѓе за историјата на клубот. На ред дојде „Ил гранде Мачедоне“, кој заигра и одлично се снајде во историската година под водство на Мурињо.

Џенова синоќа изгуби 1:2 од Аталанта и го претрпе деветтиот пораз во сезоната. При резултат 1:1, капитенот на Македонија промаши неверојатно чиста шанса, поточно му бранеше Албанецот Бериша.

Капитенот на македонската фудбалска репрезентација постигна убав гол со десна на гостувањето кај Верона во 45’ минута а гостите со три бода од овој меч сега полесно ќе дишат во продолжение од Серија А. Пандев вечерва одигра 64’ минути кога беше заменет со Лападула. Интересно, Џенова не ја победила Верона на гости од 1958. година.

Приказната за 9 годишниот Јане Велковски од Скопје до толку е уникатна и полна со пораки, што стигна и до врвни светски фудбалски имиња кои го поздравија храброто момче преку социјалните мрежи.

Македонската фудбалска репрезентација го отвори резултатот против Норвешка на 2 минути до крајот на првиот дел. Аплаузите одат кај Пандев и Алиоски кои двајцата сами го решија противникот. Фудбалерот на Лидс му даде топка со очи, а нашиот искусен капитен и покрај слабата минутажа во Серија А не грешки од вакви ситуации.

Капитенот на македонската фудбалска репрезентација Горан Пандев низ кариерата неколку пати го натера најдобриот голман на светот да ја вади топката од својата мрежа. Четири пати во дресот на Лацио и еднаш како играч на Наполи. И секогаш му даваше убави голови. Нека биде така и вечерва од 20:45 во Торино.

Зад името на нашиот капитен се кријат многу големи натпревари на кој бил јунак, а овој е посебен бидејќи е меч од Лига на шампиони против фаворит кој не сака да чуе ништо друго освен победа. Горан Пандев - Руд ван Нистелрој 2:2.

Горан Пандев доби шанса во последните 15 минути од неделната средба меѓу Интер и Џенова која заврши 1:0, а домашните навивачи го скандираа неговото име кое беше дел од историската сезона 2009/2010 со Мурињо, кога клубот стигна до тројната круна. Пандев освои вкупно 6 трофеи со Интер, а потоа направи трансфер во Наполи. Убав гест на навивачите.

По пауза од 8 години, Горан Пандев се враќа со репрезентативен дрес во својот роден град каде ќе го одигра својот втор меч за Македонија. На првиот им покажа на Канаѓаните како се изведуваат удари од белата точка. Тој погоди два пати, исто колку што промашија гостите кои го загубија пријателскиот дуел со 3:0. Резултатот го отвори Седлоски кој ја закова со глава. Нека нѝ се посреќи стадионот Младост по втор пат.

По серијата одлични игри во овој квалификациски циклус, на македонската фудбалска репрезентација конечно и се посреќи. Втора победа после онаа со Лихтенштајн 0:3 и втора на гостински терен.

Селекторот Игор Ангеловски сигурно е презадоволен од формата на македонските репрезентативци во очи на квалификациските средби со Израел (2-ри) и Албанија (5-ти) септември. Голови на наши интернационалци фрчеа во Шпанија, Англија, Италија, Турција, Кипар.

Капитенот на македонската фудбалска репрезентација денеска полни 34 години. По тој повод ќе се потсетиме на три негови незаборавни голови во Серија А, кои сигурно се меѓу најубавите во неговата кариера. Пандев пред две години стана странец со најдолг стаж во Италија каде игра од 2001-ва со исклучок на една сезона кога беше во Галатасарај. Во новата сезона продолжува со Џенова.

Покрај сериозните планови и проекти за кои зборуваше, нашиот напаѓач со најбогата меѓународна кариера малку и се пошегува со новинарите на своја сметка.

Во шестото квалификациско коло за Мундијалот следната година, македонската фудбалска репрезентација загуби од Шпанија 1-2 (0-2). Голот на Стефан Ристовски ќе конкурира за најубав гол во квалификациите.

Ако некој дуел од шесте вкупно кои досега сме ги одиграле против Шпанците не е за заборавање, тоа е оној пријателскиот кој се одигра на 12 август 2009-та. По повод половина век фудбал во Македонија, Црвената фурија ни гостуваше на Градски и се изнамачи да нè победи.

Куса е листата на македонски спортисти кои можат да се пофалат дека станале клупски европски прваци во својата кариера. Се работи само за шестмина, но затоа кој од кој по име, сите великани, а Перо рекордер.