Кога му го слушаш гласот мислиш дека гледаш италијанско на Телма. Но Бранко е во друг медиум и пред друг натпревар, а кога домашен клуб ќе направи ваква сензација, емоцијата е многу поголема. Премотувајте и уживајте.

Фудбалерите на македонскиот шампион ја забележаа најголемата победа во клупската историја откако во првиот меч од баражот за Лига Европа го победија скапоцениот и ѕвезден тим од Истанбул.

Еден од најубавите голови во помодерната историја на Вардар во евро-куповите падна вечерва откако Тигран Барсегјан го прати легендарниот стопер Мартин Шкртел по бурек.

По сите премрежија кои се случија периодов и за Вардар и за сите негови навивачи, време е за концетрација и смиреност. Вечерва со почеток од 20:00 часот на Телеком арената гостува великанот Фенербахче кој со полн стадион, гласна поддршка и нов тренер, Вардарци ќе се обидат да го изненадат. Мора силно и без пардон, се работи за последната пречка пред историски пласман во ЛЕ.

УЕФА ги влече за уши и казнува клубовите за: употреба на пиротехника, седење на простор за поминување (скали), блокирање на влезови, употреба на неонацистички симболи. Ова последново му го залепија на Вардар чија историја и делување се оградува од таа идеологија.

Откако вчера објавивме слика со поставена ограда на јужната трибина и напишавме дека тоа ќе биде тампон зона меѓу турски и македонски навивачи, имаше реакции дека тоа не е точно. На пресот на Вардар објаснија и знаете што ќе биде? Тампон зона.

Поради конфузноста околу картите и прашањето чии навивачи каде ќе седат, голем дел навивачи на Фенербахче веќе купувале карти и за Јужна трибина а за таму набавувале и Вардарци.

Снимката е бајата 22 години, ама песната е скроз култна и незаборавена, па некој знае да ја потпевне и во денешно време. ФФМ и со таа и со сегашната гарнитура имаше/има луѓе што не ја сакаат. Ова е пријателска средба меѓу Вардар и Црвена Звезда, а негодувањата се однесуваат на забраната за гостување на навивачите. Тука нема вреѓање, ќе се пее таа уште 100 години. Три за позор, четири:

Доаѓаат од ист град, играа заедно во репрезентацијата, играа заедно во Матерсбург, а тиквата се чини пукна некаде при престојот на двајцата во Вардар кога го прекинаа долгогодишното пријателство.

На два дена пред историскиот меч со Фенербахче за пласман во групната фаза од Лига Европа, шефот на стручниот штаб на ФК Вардар соопшти дека се повлекува од кормилото на македонскиот шампион.

Откако со волеј удар го тресна Копенхаген во Скопје, навивачите на Вардар беа зачудени што управата реши да го продаде Џонатан Балотели во пресрет на големата пресметка против Фенербахче. Според биографијата, неговиот заменик ветува многу повеќе.

Иако насловот звучи дека потекнува од годините кога Вардар немаше секретарка, сепак и во овие златни времиња за клубот кој ја има најдобрата инфраструктура и најстабилните финансии од своето постоење, се појавија тврдења за кои зборува и чаршијата.

Нема рамнодушен навивач на Вардар по вчерашното шокантно и неочекувано соопштение на газда Самсоненко, кој со своите големи вложувања направи револуција во македонскиот спорт. Но речиси и да нема никој кој верува дека рускиот милионер навистина се повлекува поради навредите врз него.

Бурата која се крена околу првичната цена од 3.000 денари за Вардар - Фенербахче а која денес ја корегираа на 300 денари, ги натера колекционерите на влезници да протарачкаат по својот архив и да видат колку давале низ годините.

Сопственикот на Вардар утрово неочекувано преку соопштение ја информираше јавноста дека ја напушта раководната функција од трите клуба кои под закрила на спортското друштво Вардар беа во негова сопственост.

Откако управата на Вардар реши да ја даде Јужната и Источната трибина за гостинската публика на мечот со Фенербахче, организираната група навивачи на Вардар „Комити“ го кренаа гласот.

Тој милион евра што сакате да го заработите на 17-ти не може да ја плати таа верност. Ретко кој ќе може децата да си ги однесе на натпреварот со Фенербахче, ако сака и да ги школува од септември нели.

Наместо да го искористи моментумот околу спортската еуфорија во земјава која започна со ракометарите од нивното спортско друштво и наместо да ги уважи и почитува своите најверни, управата на Вардар повлече неколку чудни потези.

Откако покажа заби против двете скандинавски екипи, а за малку не ги елиминираше и двете, македонскиот првак за 10 дена ќе се обиде повторно да дојде до историја. Силите ќе ги одмери со Фенербахче кој важи за фаворит, но Вардарци на 17 август очекуваат полн стадион и огромна поддршка. И нема зошто да им се плашат, 19 кратниот првак на Турција не е Реал Мадрид. Напред момци.

Фудбалската треска во Македонија ова лето ќе продолжи во голем стил. По финалето меѓу Манчестер Јунајтед и Реал Мадрид на 8 август, на арената Филип Втори ќе се истопорат уште два гиганти. Во плејофот од ЛЕ, Шкендија го пречекува великанот Милан, а Вардар го доби Фенербахче.

Како никогаш до сега фудбалските клубови од нашиот полуостров тргнаа одлучно и офанзивно на меѓународната сцена. Бројката на екипи учесници е импозантна. Дури 15 балканци се на еден меч до пласман во групната фаза од Лига на шампиони и Лига Европа. Хрватите и Грците се најбројни.

Бидејќи Тв Нова 45 минути ја чекавме да се вклучи во пренос, а за малерот да биде поголем некои се пожалија дека еден кабловски оператор имал технички проблеми, па не гледале ниту второ, бујрум сите 5 гола од синоќешниот квалификациски натпревар меѓу Копенхаген - Вардар (4:1), на кој македонскиот шампион не успеа да се избори за историја.

Во деновите кога Вардар има активен резултат и е на само 90 минути од испишување нова историја за македонскиот фудбал, ќе ве потсетиме на Комитите од 90-те. Тогаш беа побројни и посплотени, а фудбалот имаше многу повеќе драж. Во тоа време не се чекаа квалификации за Европа за да се наполни стадионот.