Кој рече дека ќе нема Комити во Истанбул

Со четири автобуси и неколку автомобили најверната навивачка група на Вардар синоќа го фати патот за Турција. Поводот е огромен и ретко се пружа ваква шанса, да се патува на гостување со предност од 2:0 кои треба да се одбранат во вторите 90 минути, за да се испише историја.

Комитите заминаа во Истанбул за да им се оствари сонот која се вика групна фаза во Лига Европа, што би било врвен успех до сега недостижен за еден македонски клуб. Вардар вечерва во 19:30 ќе гостува на Улкер стадионот кој има капацитет од околу 50.000 седишта.

Покрај познатото френетичното навивање на турските навивачи, ќе се слушнат и околу 300 грла, поддржувачи на Вардар кои на првиот дуел во Скопје не застанаа со пеење 90 минути.

Синоќешната атмосфера пред тргнување беше типично црвена и баклена во нивни стил.