Покрај опремата и стилот на облекување на играчите, фудбалските репрезентации и клубови многу внимание обраќаат и на изгледот на автобусот со кој се превезува екипата. Во изборот за најубаво дизјанирани автобуси влегоа оној на Милан, Реал Мадрид, Јувентус, англиската, германската и бразилската селекција.

Пред некој ден пишувавме за „слушањето гласови" додека се чита. Но што е со гледањето слики? Еден познат дизајнер на корици го истражува ова прашање во книга со токму таков наслов.

Реставрирањето на филм од 1916 било повод да се рекреира еден заборавен фонт, кој сега може да се користи и на телефони и таблети заради неговата читливост и ретро ефект. Плус потсетува на некои времиња кога без зборување било кажувано многу. 

Што и фали на графиката на ТВ преносите од Светско? Генерално ништо, ама само затоа што никогаш не сме ни помислиле дека целата работа може да биде каде каде подобра. Забелешката не е само за Мундијал, туку за сите ТВ преноси од фудбал. Решението е на двајца британски дизајнери. (Забелешка: графиките што се појавуваат кај нас, се превземаат на светско ниво, не ги правиме ние).

Микеланџело или Челини би биле веројатно воодушевени од можноста со едноставна анимација да создадат илузија на движење на нивните скулптури. Ние веднаш ја замисливме онаа на Чакаларов, како во бавен галоп врти по тоа кружниот тек. 

Кога е во прашање минимализмот, работата е колку далеку може да се оди, а пораката сепак да биде пренесена. После овие постери не знаеме што би можело да биде кажано повеќе. Пардон, помалку.

Кога едно исто визуелно решение се повторува тоа може да е резултат на мрзливост и некреативност. Но кога има најмалку 36 речиси исти корици за книги кои доаѓаат од Африка или зборуваат за неа, тоа е можеби сигнал дека тука станува збор и за нешто повеќе.

Сите оние кои мислат дека книгата како физички предмет е надмината работа, нека го погледнат ова - оваа не само што може да се чита и да пренесе важни информации кои можат да спасат нечиј живот, туку истовремено прочистува вода.

Конкретно за клиентите на тема дизајн.

Лондонскиот музеј за дизајн направи список од седум предмети кои се победници по категории на годинешните награди за Дизајн на годината. Меѓу нив зграда, автомобил и Прада.

Даниеле Трофе дизајнира еколошки издржан мебел, кој не само што е инспириран од природата, туку користи и такви, природни материјали. Нејзиниот последен проект е наречен Mush-lume, и претставува лампа изработена од печурки.

Чинија, кофичка за вода, чизми за дожд...Ова се сосема обични предмети кои ги користиме речиси секојдневно, и за кои вообичаено и не размислуваме. Сè додека некој не се сети нешто да им смени, детал кој одеднаш ја претвора нивната приказна од банална во бизарна.

Дизајнот на некоја серија често има клучна улога во нејзината привлечност и убедливост. Особено ако токму сценографските детали и реквизити се оние кои треба да го водат гледачот низ заплетканата приказна. Како во случајот со оваа.

Седлбек произведуваат кожни чанти од околу 500 - 600 долари (има и многу поскапи, а и поевтини). Главна идеја во целиот процес е да произведат чанта што е толку квалитетна и издржлива што вашите деца ќе ја наследат. Главен проблем во целиот процес им е што пирати им ги копираат чантите и произведуваат лоши копии. Сопственикот на компанијата одлучуи да седне и да го реши овој проблем - направи цело видео во кое ги учи пиратите како да ја прават неговата чанта, ама квалитетно.

Уметникот Џејсон Фрини (Jason Freeny) ја открива анатомската градба на омилените ликови на децата - Марио, Мики, Барби, Кити. Разликата во детските реакции на нив и оние на возрасните кажува нешто за нашиот однос кон сопствените крв и месо.

Во 1830 Мајкл Фарадеј создал нешто што е познато како Фарадеев кафез, простор изолиран со материјал кој ги блокира електромагнетните сигнали. Тоа во современ контекст значи дека ако се затворите внатре со мобилен, лаптоп или радио, ништо од сево ова нема да ви работи.

Славниот австралиски сопственик на ресторани Пол Метис измислил нов симбол за кој се надева дека ќе го замени зборот 'the' во пишуваната комуникација. Тој е хибрид помеѓу големо Т и мало латинично х, но неодоливо потсетува на една друга буква од нашето соседство.

Главното правило кога плаќаш за лого е дека не треба да очекуваш неговата цена да одговара со парите што мислиш дека ќе ти ги донесе. Еве колку платија за своето лого некои од најголемите компании во светот.

Уште една причина да го сакате винилот, и да бидете носталгични по него: еротско-сатирични корици на албуми од 1950-тите и 1960-тите. А богами и насловите не се за потценување.

Освен тоа што денешниот ден е посветен на љубовта и виното, предлагаме истиот да биде и ден на - креветот: сите патишта водат кон него, и од многу љубов и од многу пиење. А што би рекол Фројд, некогаш човек оди во кревет и затоа што просто му се спие.

Matchbook е сајт кој документира костими за капење кои личат, според боја, дизајн или генерален изглед на - корици од книги! После ова со други очи ќе се загледувате во нечии бикини, веднаш ќе ги споредите со замислена корица за „Крпен живот“.

Оригинално направен за време на Втората светска војна, "Keep calm" постерот заглавува во магацин и чека да има премиера во јавноста дури во 2000-та. Од тогаш постерот се претвора во поп феномен.