ХОЛАНДИЈА
И покрај тоа што бојата на дресовите им е портокалова, Холанѓаните се возат во автобус со боја од третата варијанта на нивниот дрес;
АНГЛИЈА
Бусот со кој „Гордиот Албион“ се возеше низ Бразил, за време на Светското првенство летово, ги превезува Англичаните и за време на квалификациите за ЕП 2016;
БРАЗИЛ
Како и секоја репрезентација учесник на Светското првенство, така и Бразилците добија автобус, специјално подготвен за Мундијалот. Врз жолтата боја доминираат грбот на фудбалската федерација и знамето на Бразил:
САД
„Една нација, еден тим" е слоганот испишан на автобусот со кои Американците патуваат на домашните натпревари;
ГЕРМАНИЈА
Со пехарот од Мундијалот во Бразил, „панцирите" се провозеа низ Берлин во автобус подготвен за таа прилика;
АРСЕНАЛ
Освојувањето на англискиот Куп им овозможи на „топџиите" да го промовираат автобусот кој беше дизајниран токму за парадата и прославата на трофејот во Лондон;
МИЛАН
Во пресрет на новата сезона, италијанскиот клуб летово го претстави новиот клупски автобус, кој привлече големо внимание меѓу навивачите на Милан. Името на клубот е дизајнирано вдолж целиот автобус а упадлива е црната боја.
ИНТЕР
Слично како и нивниот градски ривал, и Интер се одлучи на дизајн преку целиот автобус, на кој доминира црната боја и клупскиот грб;
РЕАЛ МАДРИД
„Кралскиот клуб" се одлучи да се вози во автобус на кој има колаж од нивните навивачи;
ЈУВЕНТУС
Според „Purely Football“, торинскиот тим го има најдобро дизајнираниот спортски автобус, на кој името и грбот на клубот се како везени, а целиот колаж е составен од црната и белата боја.
ВАРДАР
Ракометарите и ракометарките на скопскиот клуб на почетокот од годинава добија нов клупски автобус, со кој патуваат на натпреварите во домашното првенство, но и на дуелите од регионалната СЕХА лига. Автобусот на Вардарци неколку пати беше позајмен и на ракометната федерација на Македонија.
