Во првиот меч кој Меси го заигра по смртта на Диего (Лео не патуваше претходно во Киев против Динамо во ЛШ), капитенот на Барса едвај чекаше да ја затресе противничката мрежа. Успеа во 73' минута за 4-0 со еврогол и го соблече дресот под кој носеше дрес од Њуелс Олд Бојс со број 10.

Куса сторија со пример колку голем беше Марадона и колкава почит имаат другите за него.

Диего два пати во животот бил во Белград. Првиот во 1982 кога во дресот на Барселона постигна епски гол и 90.000 луѓе на Маракана му аплаудираа стоечки. Втор пат бил во 2005-та кога со режисерот Емир Кустурица снимале сцени за документарниот филм. Во таа прилика бил со Дуле Савиќ на еден сплав каде ги забавувале трубачи.

Наполи синоќа ја совлада Ријека 2:0 во Лига Европа, а домаќините на достоен начин и оддадоа почит на легендата. Мечот мина без навивачи кои може само да замислиме што чудо од кореографија ќе направеа доколку не беше короната.

Изморен од бурниот живот, исцрпен од последната операција на мозокот, Диего Марадона излегува на улица придружуван од четворица луѓе од кои едниот му носи столче. Го снима комшика од прозор, а на видеото се гледа дека едвај се движи кутриот.

Поинаку од нив и не се очекуваше, бидејќи Марадона им е безвременски идол и симбол со кого ги освоија половина од трофеите во нивната историја. Пет трофеи им донесе меѓу кои две Скудета во 1987-та и 1990-та кои никогаш нема да ги заборават.

Аргентина е во тага и плач и не може да се помири што нивниот фудбалски Бог повеќе го нема. Колони со илјадници луѓе тргнаа и трчаа по него, а семејството и покрај тоа што бараше, не успеа да го испрати во интимна атмосфера.

Аргентина е обединета како никогаш во својата историја. Обединета во болка за својот најголем син - Диего Армандо Марадона. Дури и смртните ривали Бока и Ривер заедно жалат за иконата на светскиот фудбал.

Аргентина тагува по човекот кој не го сметаат само за најголем фудбалер и толку, туку го сакаат на ниво на божество. Два дена збогување за Буенос Аирес е премалку.

За некого можеби е непознат факт, но Марадона има гостувано на Маракана во Белград со тимот на Барселона. Прилика за двајца македонски репрезентативци да се најдат рамо до рамо со аргентинската икона.

Светот уште полека ја прима веста за смртта на еден од најголемите фудбалери на сите времиња, човек чие име го спомнуваше секое дете кога ќе прославеше гол или добар дриблинг во школскиот двор. За кариерата на Марадона е пишано многу, но за неговиот живот се знае помалку.

Вториот негов клуб во кариерата беше Бока Јуниорс, каде 15 години подоцна ја заврши и кариерата. Годинава за последен пат им се појави, но во тренерска улога на друг клуб. Побудалеа навивачите.

Сите натпревари од Лига на шампиони започнаа со едноминутен молк, така ќе биде и вечерва во Лига Европа. Во Аргентина прогласена тродневна жалост. Диего Марадона почина од срцев удар на 60 години.

Неговите погодоци се спектакл за гледање, но само еден го носи епитетот „гол на векот“, кој ФИФА го прогласи во 2002-ра и претставува асоцијација за фудбалскиот волшебник. Аргентина - Англија, четвртфинале на СП 1986 со коментар на Виктор Хуго Моралес. Антологија.

На светот на спортот а и пошироко, олеснувачки делуваа зборовоите на познатиот аргентински доктор Леополд Луке кој изјави дека Диего е успешно опериран и дека се чувствува многу добро.

Во јануари 1984 година како светска ѕвезда и еден од најдобрите фудбалери на планетата, Диего Армандо Марадона побарал од ФИФА и Наполи да одигра една пријателска, ревијална средба со цел да се соберат средства за лекување на болно дете. И ФИФА и клубот го одбиле, па Аргентинецот решил да заигра пред зграда кај детето на калливо игралиште. Се собрале 4.000 гледачи!

Стандардна процедура кога се земаат изјави после натпревар е тоа да се прави пред рекламно пано, ама за Марадона не важат тие правила. Пак е малку сомнителен во говорот, а тој кутриот позади ѕирка и гледа да погоди кадар. Врв.

Диего не е Диего ако не привлече внимание со некој потег надвор од фудбалот. Сите носат маски или визири од оние како заварувачи на железо, а Диего Армандо Марадона се појави како астронаут.

Петок 21:00: Јувентус - Лион и Манчестер Сити - Реал Мадрид. Сабота 21:00: Барселона - Наполи и Баерн Минхен - Челси. Имате по два телевизори дома така?

Малку е познато дека Диего откако ја отслужил казната од 15 месеци зошто падна на тест за дрога, од Неапол одбива да оди во Реал или Марсеј и потпишува со Севиља.

Тоа е број на дрес кој не може секој да го носи, број за кој треба многу да те бива. Носи одговорност бидејќи кога ќе ја примиш мора да носиш одлуки. Во Италија тие ги викаат „Треквартиста“, како што беше Тоти на пример. Даваат голови, дриблаат, шутираат слободни, ама се очекува и многу да наместат.

Пред 30 години Наполи го освои Купот на УЕФА, единствениот меѓународен трофеј во историјата на клубот. Во финале го совладаа Штутгарт, а на денешен ден играа во полуфинале со Баерн Минхен. Додека во позадина се слушаше познатиот хит „Live is Life“, Марадона се загреваше во ритам и правеше шоу со топката.

Македонија сонува ли сонува за пласман на еден Мундијал и има привилегија само да го гледа на тв и да навива за други. Ама на последното Светско во Русија имаше нешто наше со кое слободно можеме да се пофалиме и гордееме. На толку фотки богами...