Поворката и погребот на Ел Диего

Аргентина е во тага и плач и не може да се помири што нивниот фудбалски Бог повеќе го нема. Колони со илјадници луѓе тргнаа и трчаа по него, а семејството и покрај тоа што бараше, не успеа да го испрати во интимна атмосфера.

Диего Армандо Марадона го најде мирот. Погребан е на гробиштата "Жардин Бела Виста" покрај мајка му Доња Тота и татко му Дон Диего кои починаа во 2011-та и 2015-та година.

Откако беше оставено во претседателската палата каде се поздравуваа еден куп луѓе, телото на Марадона го однесоа на гробишта, а многу негови фанови трчаа по него низ улиците на Буенос Аирес. Некои премногу се доближуваа до возилото, па на полицијата повторно им се отвори работа.

25-ти, 26-ти и 27-ми ноември ќе останат запаметени како едни од најтажните денови за Аргентина. Во првиот ден им почина најголемиот, вториот ден се поздравуваа со него во претседателската палата и во третиот се случи погребот.

И покрај тоа што семејството барало последниот поздрав со Диего да биде интимен чин, сепак медиумите најдоа начин како да известуваат и на гробишна снимаа со дрон.

Ел Диего не почина од срцев удар, како што првично пренесоа медиумите, туку неговото срце престанало да работи. Починал дома, мирно и тивко во сон. Обратно од начинот на кој го живееше животот до последниот миг.

Тој вечно ќе живее во срцата на фудбалските фанатици.

27 ноември 2020 - 09:09

Штета ако сте пропуштиле

Историски лекции

За вкусовите не се расправа

Најдобриот филм што никогаш не беше снимен

За цивилизација во која ништо нема да боли