Новак Ѓоковиќ утре го чека мега дуел против Карлос Алкараз во четвртфинале на Отвореното првенство на Австралија. Во меѓувреме српскиот тенисер по победата над Чехот Лехечка со 3-0 во сетови, реши да го бојкотира говорот после мечот и само накратко се обрати. Причина е еден австралиски новинар кој сега му се извини на Новак.

Македонската ракометна репрезентација вечерва во Вараждин ја совлада Гвинеја 29-20 и со триумф се пласираше во следната фаза. Натпреварот во хрватскиот град овојпат мина со тензија на трибините каде беше видно зголемен бројот на редари. На вратата имало строг претрес а на трибините се одземале знамиња со сонцето од Кутлеш. Во неколку наврати имало инцидентни ситуации а некои навивачи агресивно биле исфрлени од салата.

Како што најавија од организаторот, редарската служба на мечот Македонија - Гвинеја беше побројна, имаше повеќе редари на трибините поради инцидентите на дуелот со Холандија кога предмети летаа на паркетот. Вечерва во Вараждин имаше околу 1.500 македонски навивачи а овојпат хрватските редари одземаа знамиња со сонцето од Кутлеш како и што се најавуваше пред Мундијалот. На неколку пати имаше и тензични епизоди.

Македонската ракометна репрезентација ја оправда фаворитската улога и ја совлада африканската селекција 29-20 (14-10). Со овој триумф црвено-жолтите обезбедија пласман во втората фаза, како третопласирани од својата група.

Словенечките навивачи се втори по број во Хрватска по најбројните македонски навивачи. Но „змајчеки“ се жалат дека цените во главниот град на Хрватска биле прескапи. Словенечкиот портал Екипа пишува текст под наслов „Скапо, поскапо, Светско првенство во Загреб“ во кој ги опишува цените во и околу загрепска Арена каде Словенија ги игра своите натпревари.

Дваесет и две годишниот Португалец од Лас Палмас, Фабио Силва е стрелец на еден од најбрзите голови во историјата на шпанскиот фудбал откако денес после само 27 секунди од судиската свирка за почеток му даде гол на Реал Мадрид.

На пријателски натпревар меѓу Интер Мајами и мексикански Клуб Америка кој заврши 2:2, Лео Меси постигна гол во 34-та минута. Присутните мексикански навивачи скандирале против Аргентинецот кој им гестикулирал со прсти дека неговата земја има три светски шампионски титули а Мексико нула.

Што да правам, сонцето ми одеше директо во очи. А тоа ноќе. Инаку се работи за голманот на Реал Сосиедад Б.

Ни здодеа веќе да ги објавуваме овие „Fallon d’Floor“ пациенти. Секое коло ги има и никој не ги санкционира како што треба. Да бидеме реални, малку е жолт картон. Плус лош пример се за младите фудбалери, а овој е плус и млад. Се вика Исмаил Бекуча, има 20 години и игра за Хетафе. Погледнете го што работеше на дуелот против Барселона. И Ханси Флик беше револтиран и креваше раце. Нека за запише во Театар за деца и младинци.

Во Јужна Африка очигледно важат други правила во фудбалот. Судијава мртов ладен во едната рака држеше знаменце, а во другата пиштол. Мора да има ова некоја позадина. Али како и да е, многу хард кор каубојски потег.

Туниски фудбал, ќорав линиски судија, кој подобро нека да си ја гледа оценката од судењето. Слободен е следен викенд.

Натпреварот од 2. коло во групна фаза на Светското првенство меѓу Холандија и Македонија донесе многу критики за македонската публика од скандинавските коментатори и аналитичари.

На Јувентус му беа доволни само пет минути, од 59-та до 64-та преку Самуел Ембангула и Тимоти Веа да го победи Милан 2-0. Во еден од најслабите и најдосадни дерби натпревари меѓу Јуве и Милан во последните децении, бјанконерите конечно ставија крај на серијата нерешени средби во Серија А и освоија три бода.

Тој десно е Португалецот Жоао Кансело. Таа лево е царица со топка.

Да, ќе го плукаме кога се однесува малоумно, а ќе го величаме кога крши кичми. Што не е јасно?

Ветеранот Гаел Монфилс (38) направи големо изненадување во 3. коло на Австралија опен, откако го елиминираше фаворитот Тејлор Фриц со 3:1. Французинот кој е инаку 41-ви на АТП, успеа да победи со пресврт, а во осминафинале ќе се сретне со победникот од дуелот меѓу Бен Шелтон и Лоренцо Музети. Најголемиот успех на Монфилс во Мелбурн е четвртфиналето каде стигна во 2016 и 2022. Пазете му ја реакцијата на крај. Најјако му беше.

„Колку да не сакам да зборувам и да се правдам, кога имате 12 пенали и да имате толку исклучувања, тешко е како тренер да го водите тимот. Ние скоро 20 минути игравме со играч помалку. Тешко е нив и така да ги браниш, а не со играч помалку. Јас им кажав на момците дека треба да играме цврсто, да се бориме, да имаме што помалку исклучувања и по цена да примиме гол. Со толку исклучувања, толку пенали е тешко да се игра, ти го пореметува целиот концепт на игра. Можеби тие се подобра репрезентација, но ние гледавме наша шанса“, изјави по мечот селекторот на Македонија, Кире Лазаров.

Размислувавме, се нервиравме, отспавме и уште не ни е јасно зошто такво судење имаше вчера. Арно ама добивме два коментари на Фејсбук по кои сите дилеми се разрешени. Извинете данајци.

Стефан Ристовски допатува од Загреб во Вараждин за на лице место да го гледа мундијалскиот меч на Македонија против Холандија. Друштво му правеше селекторот Игор Ангеловски, со кој заедно го направија најголемиот успех во македонскиот репрезентативен фудбал.

Македонските навивачи бесот од контроверзното судење го изразија со фрлање предмети, а Холанѓаните веднаш избегаа во соблекувалната и не го дочекаа вообичаеното прогласување на најдобриот играч на натпреварот. Извиците кои можеа да се слушнат беа на сметка на ИХФ.

Генералниот секретар на РФМ, Филип Милошевски реагираше на социјалните мрежи после мечот на Македонија, која освен со брзите Холанѓани, се бореа и против чудните судиски критериуми на данското дуо Мадс Хансен и Јеспер Мадсен. Ова беше под секое достоинство, РФМ ќе поднесе жалба, вели Милошевски.

Македонските репрезентативци се едногласни во однос на спорното судење на денешниот натпревар против Холандија. „Имаат критериум кој повеќе им одговараше на Холанѓаните“, вели Никола Митревски.

Македонската ракометна репрезентација одигра повторно квалитетен натпревар против посилен противник на Мундијалот. Судиите ја претераа. Каде и да се сврти човек исклучување за Македонија или пенал за Холандија.

Американскиот кошаркар и лидер на Фенербахче, Најџел Хајс-Девис има неколку трофеи во Шпанија, Турција Литванија. Играше и во НБА лигата. За најлудиот амбиент во Евролигата, оној во белградска Арена вели дека имал одговор.