Ако треба да се избере најјакиот гол за овој викенд, прво треба да се погледнете овој во Мароко, па потоа да се прогласи победникот. Анас Серат од Рабат на мечот против Раџа Казабланка изведе докторско ремек дело.

Повеќе од 30.000 навивачи на Челси еуфорично го прославија голот на капитенот Енцо Фернандес во полуфинале на ФА Куп против Лидс Јунајтед на преполн „Вембли“ во Лондон. Сините славеа 1-0 и одат во финале каде ги чека моќниот Сити на Пеп Гвардиола.

Параглајдерист кој вршел комерцијални летови со туристи, за малку ќе покосеше луѓе откако леташе многу ниско на пешачка зона во Охрид. На едната страна на видеото се гледа жена со дете, на другата двајца пензионери. На крај го погоди столбот со улично осветлување.

Легендарниот германски фудбалер Марко Ројс кој беше синоним за Борусија Дортмунд, капитен на овој клуб и еден од најдобрите стрелци со бројни настапи, замина за САД. Игра во Лос Анџелес Галакси. Синоќа им донесе победа против Солт Лејк со два гола. Еден маестрален од слободен удар, другиот од пенал.

Џабе во одбрана е Рамос, а на гол е Касиљас. Не менува кој е позади, кога тој ќе реши да тргне. Четворица ги прескокна, како на видео игра. Неверојатна глетка.

Некогашниот фудбалер на Порто и сега стручен коментатор на португалска телевизија Жорж Амарал имал смешна епизода во студиото кога од телефонот му заѕвонела мелодија од еден познат порно сајт.

Ал Ахли ја освои азиската Лига на шампиони откако во финале ја совлада Макида Зелвиа од Јапонија со 1:0. Имаа поразениве нешто специјално извежбано на тренинг кога ќе добијат корнер или немаа? Дај викнете доктор.

Еден од највисоките и најдобри кошаркари во НБА лигата Виктор Вембанјама дефинитивно заслужено е во најтесниот круг кандидати за МВП наградата за најдобар играч на сезоната. Тој синоќа се врати на паркетот по незгодната повреда на претходниот меч и го водеше Сан Антонио Спарс до нова победа, 114:93.

Легендарниот македонски репрезентативец Митко Стојковски играше во четири екипи, во четири земји: Пелистер, Црвена Ѕвезда, Овиедо и Штутгарт. Најдолго остана во Белград, каде во периодот 1991-1995 освои две титули и два Купа. На вечното градско дерби број 100 даде гол и беше просласен за играч на мечот. Се одигра на Ѓурѓевдан, на 6 мај 1995-та. Викендов беше гостин на 179-то дерби на кое Црвена Ѕвезда го совлада Партизан со 3:0 и ја осигура титулата.

Хуеска и Сарагоса се борат за опстанок во втората шпанска лига, а крајот беше борба во вистинска смисла. Голманот на Сарагоса доби црвен картон во судиско, а потоа му се споија жичките и му влезе со бокс на еден од противничките играчи. Се очекува ова да му е последен меч за сезонава.

Фудбалер на Фенербахче се обиде да и даде дресот на жена му. Добар план, катастрофална реализација која елегантно и зад камери, можел да ја реши дома.

Ајакс славеше 0-2 синоќа против НАК Бреда а Мика Готдс постигна прекрасен гол во стилот на Златан Ибрахимовиќ на времето. Интересно и Ибра го даде тој фамозен гол баш против истиот ривал НАК Бреда.

Во мини дербито на словенечкиот фудбал меѓу Копер и Олимпија, домашните славеа 3-2 а најубавиот од сите пет погодоци беше дело на македонскиот фудбалер Димитар Митровски од слободен удар во 71' минута.

Веројатно го имаме промашувањето на сезонава, бидејќи ова е најчистата ситуација еден на еден. Од едната страна Саид Eл Mала, од другата празен гол. Се случи на дуелот Келн - Баер Леверкузен 1:2. За 19 годишното крило на Келн, кој важи за голем талент, се крчка трансфер токму во Баер за сума од 35 милиони евра. Не веруваме дека ќе го повтори ова, затоа што се случува еднаш во кариера.

Кошаркарите на Минесота повторно го совладаа Денвер Нагетс, овојпат 112:96 и се на само чекор да ги исфрлат Нагетс од доигрување за титулата и пласман во полуфинале на Западната конференција во НБА.

Најдобриот македонски голман Столе Димитриевски е јунакот на Валенсија во триумфот над Жирона 2-1 затоа што имаше вонсериска, неверојатна интервенција во последните секунди од натпреварот и го одбрани водството на домаќинот.

Веќе традиционално, кога се наближува крајот на сезоната, колку и да му оди добро, Арсенал не е Арсенал, ако не ја уплеска. Манчестер Сити им ја зеде лидерската позиција на само 4 кола до крај. Со други зборови, првиот коментар кажува сè.

На доделувањето на наградите „Лауреус“ во Мадрид, Новак Ѓоковиќ имаше средба со шпанскиот новинар, кој по освојувањето на златниот медал на Олимписките игри во Париз, му покажа фотографија од почетоците во Копаоник со рекет в рака. „Немој пак да ме расплачеш“, рече Србинот.

Атлетико Минеиро синоќа играл прв натпревар од 5. коло во Купот на Бразил и победил пред Сеара во дуел кој ќе има и реванш. Ветеранот Хулк и подарил дрес и ја израдувал највозрасната навивачка на Алетико Минеиро на возраст од 95 години.

Во Холандија во '80-те години се одржувале масовно посетени трки на кои возачите возеле во рикверц наназад. Со коментатори, со студија, со предвидувања...

Фудбалерите на Себољитас и Емпреса Комунал од Макари се сретнале во раната фаза од Купот на Перу каде играат илјадници клубови од целата земја. На секакви терени. Овој е посебно добар терен, на стадионот кој се вика „Тупак Амару де Сикуани“

Пред околу 60.000 гледачи Штутгарт на својот прекрасен стадион „МХПАрена“ го пречeка Фрајбург во полуфинале на германскиот Куп. Гостите први поведоа преку Максимилијан Егештејн во 28' минута, а домаќините израмнија преку Дениз Ундав во 70-та минута. Во продолженија Тиаго Томас постигна победнички гол за 2-1 во 119-та минута. Штутгарт ќе игра во финале против Баерн Минхен кој во средата го совлада Леверкузен на гости 0-2.

Реномираниот британски Скај Њуз денес пишува дека на официјалната страница на ФИФА за препродажба и размена на влезници, за натпреварот во финалето предвиден за 19-ти јули во Њу Џерси, четири карти се продавале по вртоглави суми.

Цел живот ќе се навраќаат на овој датум, додека постојат. Затоа што на Маракана им дојде Баерн кој доби клоца во газ. 24 април, 1991-ва. Ноќ за паметење обоена со црвена боја и емотивно прераскажана со легендарната „Небо се отворило“. Конечните 2:2 значеа пласман во финале во КЕШ. Останатото е историја.