Фудбалерите на Спортинг Лисабон играат неверојатна сезона и после цели 19 години се на одличен пат да ја освојат титулата во Португалија. Без пораз се на 24 меча (20 победи, 4 нерешени) и му бегаат 10 бода на Порто.

Ден до два поминуваат меѓу една и друга нова блескава партија на словенечкото мајсториште за баскет. Новата жртва е Портланд која Далас ја совлада со 125:119, а Лука повторно на многу високо ниво со 38 поени, 9 скока и 9 асистенции. Имаме две јаки аситенции од кои првата не можеш да му ја предвидиш.

Во ситуација кога ФК Вардар е пред амбисот и му се заканува целосно згаснување, стечај и преселба во 4-та лига, и трае натегањето помеѓу Град Скопје и сè уште актуелниот сопственик Сергеј Самсоненко, јавноста очекува одговори на неколку клучни прашања:

Мајсторијата е сам да си ги наместиш, а тоа го умешее на времето Пеле. Во стилот на Бразилецот се истакна и Италијанецот Грацијано Пеле кој на 35 години покажа дека може да се истакне акробативно. Инаку Парма со овој гол поведе дома против Џенова, но на крај загуби 1:2.

Унгарецот Ласло Клајнхајслер од Осијек демонстрираше редок вид на волеј удар, кој вака на око ни личи дека е исклучително тежок да се изведе во трк. Браво мајсторе, врвна мајсторија.

Страшните фраери во сино сакаа да го суредат Тотенхем и пред стартот на продолженијата и да му покажат дека никогаш не им се плашеле. Никогаш не ги потценувајте фраерите. Никогаш.

Десниот бек на македонската фудбалска репрезентација по долго време поминато во Спортинг Лисабон, одлично зборува португалски јазик. Тоа го искористил при запознавањето и мубаетот со Жозе Мурињо по историскиот триумф на Динамо Загреб над Тотенхем. Добил и подарок со автограм.

По лакрдијата во бугарскиот фудбал каде судијата кидна од страв, одиме со нова епизода од селскиот фудбал, ама од кај нас. За луѓе кои не ги разбираат баш добро македонските дијалекти, добро би легнал и титл на видеово.

По сјајната ждрепка за Лига на шампиони, попладнево во европската куќа на фудбалот во Нион се извлече и ждрепка за четвртфинале на Лига Европа. Се паднаа некои фантастични парови.

Битката во најелитното клупско европско натпреварување допрва ќе станува интересна. Во четвртфинале ќе гледаме реприза на финалињата од 2018-та и 2020-та.

Стефано Пиоли синоќа или многу го здоболе поразот, па не додржа спортски да се ракува со Солскјер кој во моментот на поздравување му рекол “good team”, или па дупе е со англискиот, па ништо не го разбрал и непотребно го извреѓал.

По сензацијата во осминафиналето од ЛЕ во која од првата минута учествуваа двајца македонски репрезентативци, во Загреб беше лудница. Славјето почна на Максимир каде фудбалерите се појавија пред навивачите по што настана делириум.

Дуелот Пачука - Тигрес УАНЛ во мексиканската МХ лига го реши Роберто де ла Роса во 82' минута. Таков њух за топка и осет за лоб ретко се гледа.

Џо Харт, некогашниот англиски репрезентативен голман, сега е резерва во Тотенхем. Или он или тој што му го води Инстаграм акаунтот изгледа заборавил дека вкупен резултат се смета од двомеч, па синоќа и покрај поразот 3:0 од Динамо, Харт објави стори со крајниот резултат и опис: Job done! (Средена работа).

Македонскиот репрезентативец Ненад Димитријевиќ постигна 7 коша за Хувентуд на гостувањето против Естудијантес, а во еден момент се претвори во Лука Дончиќ под кош. Коментаторот се воодушени.

Гаси нетот, „Јутро је“ од Нада Топчагиќ синоќа грмеше на Сан Сиро и тоа пред мечот Милан - Манчестер Јунајтед 0:1. Во 122 години историја на Милан, не веруваме дека друг Балканец успеал да издејствувал вакво нешто. Не бе, не е нормален.

Каков мангуп и господин човек е Жозе. Тој веројатно беше убеден дека вечерва ќе им честита на своите играчи пласман во четвртфинале во Лига Европа, ама се случи пресврт и тоа им го направи на Рики, Адеми и останатите херои на Динамо кои го елиминираа англискиот гигант. Друг не го прави ова.

Хрватскиот фудбалски хегемон Динамо Загреб отсекогаш имал добри голмани, ама скоро никој не оставил толку длабок траг како 25-годишниот репрезентативец Ливаковиќ.

Тотнем Хотспур од северен Лондон важи за еден од најбогатите клубови на светот. Има ултра-модерен стадион за 62.000 гледачи, има суперѕвезди како Хари Кејн, Герет Бејл, Сон и Иго Лорис, ама тоа ништо не играше улога против срчаниот Динамо Загреб и Милсав Оршиќ кој со 3 гола ги исфрли од Лига Европа.

Жозе Мурињо речиси и да не памти каде добил ваков фудбалски шамар како вечерва на „Максимир“. Дојдоа Спарси со позитива од 2 гола по триумфот во Лондон, ама Динамо покажа страшна психолошка и физичка снага и го нокаутираше големиот ривал за пласман во историско четвртфинале!

Сторијата ја раскажува Синиша, а кога од другата страна го имаш легендарниот српски стратег, приказната одма има поголем шмек.

Под водство на новиот тренер Маурисио Почетино ПСЖ продолжува борба за трофеј на сите фронтови. Ја елиминираа Барселона од Лига на шампиони, а го исфрлија и лидерот во Лига 1, Лил од Купот на Франција. Најзаслужни за тоа се Мбапе и голманот Навас. Костариканецот брани како во втора младост.

Без разлика што се поминати четири години, кога ЕХФ треба да објави историско видео парче од својата архива, не го заборава историскиот успех за македонскиот ракомет. Каков момент беше ова. Скопје експлодираше од возбуда.

Германската девиза дека рецепт за успех е талент 10% а 90% макотрпна работа и труд, најдобро може да се види преку примерот на човекот кој со голем успех ги тренираше Мајнц, Борусија Дортмунд и ПСЖ а сега руши рекорди со Челси.