Да, до таму одат спонзорските договори. Ѕвездата на Тотенхем Сон Хјунг Мин летово стана амбасадор на Самсунг и ако тој слика, мора в раце да држи телефон само од корејската компанија. Да го видиме примерот.

Со почетокот на азиската Лига на шампиони, Ал Наср од Саудиска Арабија во прво коло му гостува на иранскиот клуб Персеполис. Само што слетал Кристијано Роналдо бил пречекан од стотици негови следбеници.

Милан има специјален гостин во пресрет на стартот на сезоната во Лига на шампиони. Им се појави Златан Ибрахимовиќ.

Во 1. коло од новата сезона во француската лига, Бурж убедливо со 30 пени разлика го совладал Ле Портел на гости 66-96. Најинтересен момент на мечот е кога гостинскиот кошаркар Аксел Жулиен додека истекува време за напад фрла таква фрљотка што никогаш не би влегла во кош.

Севиља е клуб кој му е во срцето на Серхио Рамос, бидејќи таму се калеше како дете и таму ја почна кариерата. Се врати после 18 години и на првиот меч кој го одигра против Лас Палмас е најзаслужен што победија 1:0. Погледнете го ова чудо од одбрана на свои 37 години. Супермен.

Педесет и пет годишниот шпански тренер Пабло Ласо долги години беше најуспешен тренер во историјата на Реал Мадрид на кого му донесе 2 евролигашки титули, 6 титули во шпанската АЦБ лига, 6 Купа и 7 Суперкупа. Ласо имаше здравствени проблеми пред пар години па поради паузираше подолго време а Реал Мадрид реши да не му го продолжи договорот. Ласо сега се врати и го презеде Баерн Минхен каде нема да има ѕвезди како во Реал.

Има само 31 година а толку долга кариера што некој би помислил дека е генерација со Ибрахимовиќ. Адем Љајиќ, детето од Нови Пазар кое од Партизан се вивна во фудбалски висини, играше за Фиорентина, Рома, Интер, Торино, Бешикташ, сега се врати во својот роден Нови Пазар. Го пречекаа како цар, а им возврати со прекрасен гол на дебито.

На Милан не му оди годинава во градското дерби и го губи по петти пат по ред. Ама затоа на навивачите им оди многу добро песната.

Видеото е од некаде во Турција, натпревар од јуниорска лига.

На дуелот меѓу Чонбук и Гангвон во корејската К-лига, гостите подобро се снашле на поплавениот терен и славеле 1-3. Не ја прекинал судијата ни кога не можело да се подаде топка.

Челси има мизерен старт со само една победа по првите 5 кола во кои постигна 5 гола. Во напад го купија 22 годишниот Николас Џексон од Виљареал, роден во Гамбија, кој игра за Сенегал. Да го погледнеме.

Несекојдневна сцена на мечот Реал Мадрид - Реал Сосиедад кој заврши 2:1 за кралевите. Линискиот судија влезе на терен да му ја даде топката на голманот, кој веројатно уште ќе се влечкаше за да задржува време.

Тимот предводен од сјајниот италијански тренер младиот Роберто Де Ѕерби, составен од играчи кои се дојдени без обештетување, како слободни агенти, со 1-3 го разби Манчестер Јунајтед среде „Олд Трафорд“. Права лекција од фудбал им одржа Брајтон на момците на Тен Хаг.

На дуел од 8. коло во фудбалската лига на Хондурас меѓу Маратон и Олимпија гостите победиле 0-1 и останале први на табела со 5 победи и 2 нерешени. А тоа што го направил домашниот фудбалер Андре Орељана во 87' минута од мечот било не за црвен картон туку за в затвор.

Шведскиот атлетичар Арманд Дуплантис не е од оваа планета. Во дисциплината скок со стап скокна 6,23. Седми пат го соборува сопствениот рекорд.

Двократниот европски првак ја загуби титулата во домашното првенство минатата сезона, Пелистерци станаа шампиони и за првпат после цели 18 години заиграа во Лига на шампиони, но црвено-црните уште на стартот на новата сезона имаат 2-0 против Битолчани.

Срѓан Ѓоковиќ бил на тешки маки на ден пред првото патување на Новак во САД на јуниорски Гренд слем. Човекот кој му позајмил пари се изживувал со него и покрај тоа што се работело за најдобриот тенисер во Европа за играчи до 16 години. Збеснал и кршел кога се вратил дома.

Есторил прими 5 парчиња од Жил Висенте и загуби со 5:3, ама затоа ја има атракцијата на колото, неделата и месецот, која сигурно ќе влезе во најтесна конкуренција за најдобар гол сезонава во португалскиот шампионат.

Трабзонспор има големи 3:0 во турското дерби над Бешикташ. Енис Барди не е меѓу стрелците, но е најзаслужен за првиот гол кој го постигна Пол Онуачу. Сè изработи како што треба и му ја даде на тацна.

Интер Мајами во отсуство на Лео Меси е декласиран од Атланта Јунајтед со 5:2. Двата гола за гостите ги постигна Леонардо Кампана. Едниот за чиста 10-ка.

Интер во 2023-та е во страшна серија против Милан со 5 од 5, низа веројатно незабележана на друга градска пресметка во една календарска година. После четири порази од јануари до мај минатата сезона, синоќа ги допетаа со 5:1. Навивачите на Интер скандираа: Никогаш нема да победите.

Најдуховитиот фудбалер во Велика Британија. Ај што е веројатно највисокиот фудбалер кој некогаш играл во Премиер лига, се изнадава голови во Ливерпул и Стоук, а башка што владее со врвен британски хумор.

Кристијано Роналдо вечерва го постигна својот 7-ми гол на последните 4 меча за Ал-Наср и е лидер на листата стрелци во тамошната лига. Ал Наср со 1-4 го совлада Ал-Рад (три гола им дале во вториот дел). Гол дал и Садио Мане а Роналдо во еден момент од слободен удар во глава го погодил камерманот зад едниот гол.

Со два гола на српскиот центарфор и еден на италијанскиот репрезентативец Федерико Кјеза, Јувентус со 3-1 го згроми Лацио и ја продолжи одличната атмосфера во новата сезона.