Лига на шампиони вечерва го продолжи новиот формат па се одиграа првите натпревари од новиот бараж за пласман во осминафинале. ПСЖ рутински го растури Брест на гости и веќе речиси обезбеди пласман понатаму. Сити и Реал одиграа Луд натпревар со дури 5 гола а на крај славеа „кралевите“ со гол во судиско продолжение. Јувентус го скрши отпорот на ПСВ.

Бугарскиот центарфор беше прав господин на теренот. Ја лепеше топката за себе и даваше голови после префинети потези. Таков е и надвор од теренот. Господин.

Некои пресвртници во фудбалот не се такви какви што мислите, класика 0:1 полувреме, 2:1 крај. Ова е нешто поинакво. Инаку се работи за 117 минута.

Шеесет и пет годишниот „татко на судиите“ и најхаризматичниот фудбалски арбитар на сите времиња, Италијанецот Пјерлуиџи Колина ќе предложи промена за изведувањето на пеналите.

Играл со Жан Пјер Папен и Дидие Дешамп. Но кога го прашуваат сега, одговара вака: „Ми рекоа дека сум бил фудбалер, но не се сеќавам“.

Францускиот прволигаш Брест беше најголемото чудо во тамошната лига лани откако обезбеди историски прв пласман во Лига на шампиони. Со оглед на тоа што малото стадионче „Стад Франсис Ле Бле“ не ги исполнува критериумите на УЕФА од највисок степен за играње натпревари од Лига на шампиони, Брест своите домашни дуели ги игра на стадионот на Генгам „Стад де Рудуру“.

Два дена откако последнопласираниот тим во втора англиска лига Плимут Аргајл забележа една од најголемите победи во клупската историја и го урна лидерот во Лига на шампиони и Премиер лига Ливерпул, една интересна приказна се појави токму за навивач на овој клуб.

„Има многу историја во Лос Анџелес Лејкерс, но ти ќе имаш свој дел во неа“, му вели Џини Бас на Лука Дончиќ, алудирајќи на тоа дека бројката од 17 НБА прстени со него ќе расте.

Тоа се луѓе кои, секој на свој начин му пркосеа на синдромот на ниска вредност и ја понесоа својата група во величините.

И на трезно е ризично човек да се прекачува по трибини, а не па во ваква состојба. Ова е навивач на Лидс, кој од што е пијан, како да не го осеќа ударот на левата страна од главата, директ во ограда.

Никола Јокиќ во НБА замина пред нешто помалку од 10 години и стигна до титула и МВП признанија, без разлика на минатото со бурек и кока кола. Пазете го ова буцко, поголемо од своите врсници и веројатно со истата исхрана. Води топка и тоа самоуверено, трча, додава мангупски, прави офанзивен скок и сам го решава нападот.

Само три дена откако Фиорентина со 3-0 го испраши Интер во преиграниот натпревар откако претходниот беше прекинат на 1-ви декември, синоќа овие два тима повторно се сретнаа меѓу себе. Овојпат на „Џузепе Меаца“ славеше Интер 2-1 со головите на Понграчиќ (автогол) и Марко Арнаутовиќ. Едниот погодок на Интер беше постигнат после корнер кој беше досуден откако топката претходно речиси пола метар беше во гол-аут но судиите направија голем привид.

Дојде вторник, време е за првите плејоф битки во Лига на шампиони. Во тој контекст ќе потсетиме на едно ремек дело старо точно 20 години од средбата меѓу Интер и Порто. Се сеќава ли некој каков проектил испука Хуго Алмеида на Џузепе Меаца?

Еден од најдобрите кошаркари на денешницата, Лука Дончиќ заигра за својот нов тим, трофејниот ЛА Лејкерс. Дебитираше против Јута Џез во триумфот на „езерџиите“ 132:113.

Денвер Нагетс убедливо го растури Портланд Трејлблејзерс со 146:117 и ја забележаа седмата победа по ред што е серија каква што имаа само во шампионската сезона.

Роџер Федерер vs Енди Родик, Базел 2002. Швајцарецот тука има 21 година, а коментаторот само кратко искоментира: Неверојатно, но вистинито.

Синоќа во главниот град на Уругвај, Монтевидео, се одиграло градското дерби меѓу Насионал и Пењарол. Мечот завршил 1-1 а израмнувачки гол за домашните дал Херемиа Рекоба, синот на легендарниот фудбалер на Интер Алваро Рекоба. Херемиа Рекоба има 21 година, роден е во италијански Комо. Игра во средниот ред. Почнал да тренира во Данубио а од 2021-ва е во Насионал Монтевидео.

Ни тргна денес со кошарка, односно со маестрални забивања на наши деца. Прво имавме можност да се насладиме со Борјан Китановски кој имаше нешто да им покаже на Американците, а сега го имаме Стефан Стојковиќ со скроз луда НБА завршница. Соиграчите се држеа за глава. Се работи за македонскиот второлигаш Водно Санс Партизан. Многу јако забивање.

Таткото на Лука Дончиќ, Саша Дончиќ е редовен гостин кај својот син во САД и често ги гледа натпреварите од прв ред. Тој уште одамна, со оглед на тоа што и самиот бил кошаркар, му ја всадил љубовта према баскетот на Лука.

Во кошаркарска земја како САД, не ти треба Американец да за видиш атрактивно забивање. Туку треба нашинец да пратиш и тоа уште во средно. Борјан Китановски ladies and gentlemen, на само 17 години.

Нашата најафирмирана тенисерка Лина Ѓорчевска оди да се натпреварува на Гренд слемот во Мелбурн. „Ќе дојде да те гледа една моја пријателка“ и рекла мајка ми. Да чуеме во што се претворило тоа.

Англискиот репрезентативец Џуд Белингам на дербито Реал Мадрид - Атлетико Мадрид после еден аут за ривалот, пцуеше по линискиот судија. Се слушна во камерите.

Фенербахче славеше 0:2 на гостувањето против Аланијаспор. Додека цел тим беше во клупскиот автобус, навивач трчаше покрај нив. Жозе како Жозе е роден за уникатни потези, па му рекол на возачот да застане, за да го пуштат внатре. Со сите играчи имаше можност да се слика или да се поздрави. Се разбира почнувајќи од славниот тренер. Остај друго, него и на вечера го викнал.

Наполитанците како лидери на табела кикснаа против Удинезе (1:1). Резултатот го отвори Мектоминеј во 37 минута, а само 3 минути подоцна Холанѓанецот Јирген Екеленкамп ги збуни сите со начинот на кој го израмни резултатот. Чуден удар кој личи на сув лист од необична позиција.