Манчестер Сити и Реал Мадрид се сретнале 11 пати низ историјата во еврокупови. Сити има 4 триумфи, 4 меча завршиле нерешено а Реал славел 3 пати. „Кралевите“ минатата година во полуфинале поминаа како „боси низ трње“ и изгубија 4-0 на реваншот откако првиот меч заврши 1:1 на „Сантијаго Бернабеу“. Во големото финале подоцна Сити со 1-0 го победи Интер и ја освои првата шампионска титула во Лига на шампиони. Реал има 14.

Нетфликс растури со спортски документарци. На 8 мај во етер ќе го пуштат „Attack on Wembley“ кој се однесува на хаосот кој фрли дамка на финалето на ЕП меѓу Англија и Италија кое се одигра на 11 јули 2021-ва. Тоа беше прво финале за Англичаните по 1966-та и прва вистинска надеж за европска титула после светската. Но на Вембли се случија непосакувани сцени откако околу 6.000 навивачи се обидоа насилно да влезат на стадион без карти.

Далас Маверикс одигра супер регуларна сезона и со 50 триумфи и 23 порази како петтопласирана екипа се пласираше во плејофот. А таму ги чека тежок ривал - ЛА Клиперс од недела вечер. Во регуларниот дел од сезоната тандемот Дончиќ-Ирвинг покажа дека може со секого и секаде.

Господинот на сликата се вика Оскар Хернандез, помошник тренер му е на Чави со кој работеше и во Ал Сад. Инаку се работи за постар брат на Чави, факт во кој не верувавме ни 1% сè додека не ни потврди Гугл. 

Во таканаречениот НБА плеј-ин, разигрување меѓу екипите од 7-мо до 10-то место на табелата, Сакраменто Кингс го совлада Голден Стејт Вориорс 118:94 и по трет пат ги остави „воините“ без плејоф во последните пет сезони. Лејкерс се справи со Њу Орлеанс Пеликанс.

Барселона имаше сè а на крајот остана без ништо. Реваншот со ПСЖ го играа со прекрасна предност од првиот меч кој го добија 2:3 во Париз, поведоа рано со 1-0 и имаа комфорно водство. Во 29-та минута стоперот Роналд Араухо направи смотан фаул над Бредли Бракола, доби директен црвен картон и од тогаш колата тргна по удолница за Барселона.

Малага пред 10 години играше во Лига на шампиони со Мануел Пелегрини како тренер и тоа стигна до четвртфинале, а сега е третолигаш кој заврши таму после банкрот. До толку се утепани со пари, што им забраниле на играчите да ги подаруваат дресовите. Еден од нив режираше нестварна сцена пред трибина. Му го шитна на навивач за 50 евра.

ПСЖ ја искористи предноста од играч повеќе по црвениот картон на стоперот на Барселона Роналд Араухо во 29’ минута и до врв ја наполни мрежата на Каталонците (1:4 после пресврт). Тренерот на Барса Чави бурно реагираше во неколку наврати на судиски одлуки а во еден момент бесно ја шутна рекламата кај делегатот поради што доби директен црвен картон. И после мечот се оправаше со главниот судија Иштван Ковач од Унгарија.

По пауза од 11 години, Борусија Дортмунд стигна до полуфинале во ЛШ каде ќе се соочи со ПСЖ. Добија тврд противник кој ретко прима 4 гола и кој можеше да го смети текот на мечот ако Мората не ја испуштеше оваа 100% шанса, која не се промашува на волку важни натпревари.

Џулијан Брант кој беше прогласен за играч на мечот против Атлетико Мадрид кој го елиминираа со 4:2, тргна да му го даде дресот на човек во инвалидска количка. Лакома жена му го зема од раце и си отиде.

Двата шпански претставници се соочија со дебакл и примија по 4 парчиња на првите две реванш четвртфинални средби од ЛШ. Каталонците поведоа во 12 минута, но во 29-та минута Араухо доби црвен, клучен за нивниот распад од 1:4. Атлетико Мадрид загуби 4:2 во неизвесен натпревар на кој одговори со 2 гола после водството на Германците од 2:0 во првиот дел. Првото полуфинале е Борусија - ПСЖ.

Барселона на лето останува без клупска легенда, голем тренерски потенцијал и фудбалски мозок кој многу добро го познава фудбалот. И со веќе најавен отказ на човекот кој ги води, тимот гази и не знае за пораз од 27 јануари. На последните 13 средби на сите натпреварувања има 10 победи и 3 нерешени.

Во една реклама за платформа за избор на хотели чие заштитно лице е токму Јокиќ, актуелниот НБА шампион открива свои искуства за престој во хотелите и што најмногу цени кај нив.

Сè почна на 19 август кога ја отворија сезоната против Лајпциг со победа од 3:2. Осум месеци подоцна стигнаа до скор од неверојатни 25 победи, 4 нерешени и 0 порази, со гол разлика 74:19 или освоени 79 бодови, 16 повеќе од Баерн, на 5 кола до крај. Ќе се зборува и прераскажува со години ова нивно ремек дело, кое сигурно веќе служи како инспирација за документарен филм.

Јака трка за титулата водат Галатасарај и Фенербахче. Ситуацијата на табела е +2 во корист на првите кои во претпоследно коло се домаќини на нивното соочување. Синоќа Галасарај ја доби Аланијаспор со 0:4, а Зиеш атрактивен во својот препознатлив стил. Голманот само ја гледаше.

По 11 години минати на европска сцена, Фелипе Андресон одлучи да се врати во родниот Бразил каде ќе ја продолжи кариерата. Иако еден познат италијански весник „му одбра“ друга средина.

Инклузивноста во Германија е толку силна што многу влијае дури и таму кај што е најжестоко - на навивачките трибини. Во Германија комотно може да видите навивачки групи кои отворено пропагираат хомосексуализам, ЛГБТ и разни слични теми.

Акцијата се однесува само за несистемските тикети, со погодени минимум шест натпревари со ист тип, со минимална квота од 1,50 по пар.

Интересен напаѓач е Џанлука Скамака и не за џабе има 15 настапи за Италија. Откако се врати од Вест Хем на домашно тло, сезонава има 14 гола за Аталанта. Му даде два на Ливерпул на гости во ЛЕ, а синоќа имаше гол и асистенција против Верона (2:2). Како домаќински си ја намести сам, нема бранење ова.

Соединетите Американски Држави се апсолутен фаворит за олимписко злато во кошарка на Игрите во Париз летово. Ако на Светски првенства доаѓаа во шарен состав и си дозволуваа разни срамни порази, Олимписките Игри традиционално ги играат во најсилен можен состав.

Иако има 21 година, Кол Палмер руши сè пред се. Стана прв играч на Челси после Френк Лампард со 4 гола на еден меч, па дури и го стигна Халанд на листата на стрелци.

Во новата сезона од најдобрата кинеска Суперлига се одиграа веќе 6 кола. Први на табела се Шангај Шенхуа и Ченгду Ронгченг. Овие вториве гостувале кај Чангчун Јатаи, губеле 1-0 но направиле голем пресврт во последните моменти од мечот. Прво во 90+5’ минута Бразилецот Фелипе постигнал чудесен гол со ножички за кои сам си асистирал. Кандидат за гол на сезоната и награда „Ференц Пушкаш“. Во 90+18’ Веи Шинхао дал гол за победа 1-2.

Ханза Рошток е второлигаш и во моментов после 29 кола се наоѓа на 16-то место од 18 во германската втора лига. Секој бод им е од огромно значење. На пет кола пред крајот имаат исто бодови со два тима пред нив на табела, по 31 и ќе водат грчевита борба за опстанок. Минатиот викенд од Рошток до Берлин (232 километри, 2 ипол - три часа возење со кола) дошле 25.000 навивачи на Ханза.

Челси понеделнички се отвори со дури 6 парчиња во мрежата на Евертон од кои 4 се на Кол Палмер. За пенал бе фатија да се расправаат, па потоа Покетино им одржа лекција.