Дефинитивно помалите репрезентации на ова ЕП одиграа поинтересен фудбал со поголема жар и борбеност. Денеска репрезентациите беа многу поконкретни во напад за разлика од некои манекени. Холандија имаше 24 удари кон гол, а на вториот дуел Австрија 21. Но победи Турција со двата гола на дефанзивецот Демирал и одличниот Мерт Гунок кој ја направија една од најјаките одбрани на турнирот и ја спаси звојата земја од продолженија.

Момците на Винченцо Монтела ја израдуваа фанатичната фудбалска јавност во Турција и го обезбедија третото четвртфинале во историјата на ЕП. Демирал како стопер ја реши Австрија со два комада од кои првиот во 58-ма секунда. Ќе имаат силен противник, а тоа е Холандија која на моќен начин со 3:0 ја збриша Романија.

Финалистот на двата последни Мундијали од кои едниот и го освои е непрепознатлив на Европското во Германија. Недопадливи, неатрактивни и посебно неефикасни и тоа со Мбапе, Гризман, Турам, Жиру, Дембеле.

Англија е најголемо разочарување заедно со Франција и Италија на Еуро2024. Англичаните дојдоа со состав на „сите ѕвона“, грмеа на сите страни како се најјаки и први фаворити, ама во групна фаза едвај одиграа 1-1 со Данска, 0-0 со Словенија и 1-0 со Србија а во 1/8 финале буквално во последни секунди се спасија од пораз од Словачка. Поминаа понатаму со чиста среќа. Ден потоа во кампот им дошол Ед Ширан да им свири.

Кристијано Роналдо промаши пенал во судиско, но се извади во пенал серијата. Него како ќе се извади БиБиСи за гафов и чуму вакво нешто на медиумскиот гигант? Ова е муабет за на социјални мрежи, а они во пренос го акнале како кајрон.

Европско првенство секогаш носи добар фудбал (не и овојпат), забава, пиво и многу музика. Ама носи и полу-кретени кои за момент слава да се истакнат во прв ред, измислуваат разни глупости. Пример некои млади Холанѓани од некое локално радио решиле ноќта во 3 часот после полноќ пред мечот Холандија - Франција да ѕвонат во хотелот кај Французите на рецепција и да бараат да ги врзат со претседателот на фудбалската федерација на Франција. Човекот збунет.

Кристијано Роналдо и на 39 години покажува неверојатна посветеност и страст за голови и победи. Ова му е шесто Европско првенство во кариерата со што е апсолутен рекордер. Уште нема постигнато гол, синоќа имаше шанса од пенал во продолженијата но Јан Облак му го одбрани. При еден слободен удар словенечките навивачи зад голот му креваа еден познат дрес со цел да го провоцираат:

Познатиот италијански новинар Танкреди Палмери му постави најстандарно и најрегулар прашање на капитенот на Белгија и ѕвезда на Манчестер Сити. Овој се изнервира без потреба, си отиде и го нарече глупав. А во право е новинарот, на сите имиња низ годиниве, до финале немаат стигнато.

Диого Коста е најголем јунак на 1/8 финалните натпревари. Стана првиот голман во историјата на Европските првенства што одбранил дури 3 пенали. Тој е најзаслужен што Португалија ја совлада Словенија на пенали и оди во четвртфинале на Еуро2024. За тие кои се затекнале во возило и кои сакале да слушаат радио пренос од пеналите, имало јака вожња.

Не сме воопшто среќни и задоволни со неефикасниов и кулкулантски фудбал на Европското на кој освен Шпанија и еве Германија, никој ништо не одигра од фаворитите и ѕвездите. Подобро да поминеа Словачка и Словенија. Од ваквите па дерман нема.

21 годишниот Бенџамин Шешко ќе беше херој на Словенија во 115 минута, а Пепе трагичар. Ама сè се сведува на тоа „ќе беше“. Херој сепак е Диого Коста кој прво му одбрани чист гол на напаѓачот на Лајпциг, а потоа им ги фати сите пенали на Словенците.

Кристијано Роналдо не престанува да изненадува со чудните постапки, гестови и потези, нетипични за толку популарен спортист пред крај на една мега успешна кариера. Во 105 минута не успеа да го совлада Облак од белата точка и за утката плачеше како да ќе го караат дома или како да е крај на светот.

После незадоволителни 120 минути фудбал со најнепопуларниот резултат, Португалија ја елиминира Словенија на пенали 3:0 и стигна до четвртфинале каде ќе се соочи со Франција. Промашија Иличиќ, Балковец и Вербиќ, погодија Роналдо, Бруно Фернандеш и Бернардо Силва.

Не задоволува некако квалитетот на фудбалот на ова Европско. Светскиот првак од 2018-та и вицепрвак од 2022-ра игра под секое ниво, целосно зарибани во напад. Станаа петти четвртфиналисти со триумф над Белгија од 1:0 остварена во 85-та минута. Стрелец Вертонген или во превод вкупно деветти автогол на овој турнир. Французите како едни од главните фаворити за трофејот стигнаа до топ 8 со пенал и два автогола.

Катастрофалното издание на Италија на Еуро2024 повторно ги покрена дискусиите за италијанскиот фудбал, за недоволниот простор кој младите го добиваат или поточно воопшто не го добиваат. Во центар погоди Алесио Черчи, некогашниот фудбалер на Рома, Бреша, Пиза, Аталанта, Фиорентина, Торино, Атлетико Мадрид, Милан, Џенова, Верона и други.

Го воведоа и брзо го укинаа, а Грците го искористија во вистински момент. На 1 јули 2004 ја победија Чешка 1:0 со голот на стоперот Делас од Рома во 6-та минута од првото судиско продолежние од 15 минути. Второто не се одигра, бидејќи Грција го реализираше сребрениот гол и се пласираше во финалето, каде го најправи најголемото изненадување во историјата на ЕП.

Дваесет и едно годишниот Белингем ја спаси Англија од тешка историска бламажа со гол во длабоко судиско продолжение за 1:1 и продолженија со Словачка. Откако го прославил погодокот Белингем кон резервната клупа на Словачка гестикурал простачки па УЕФА сега отворила истрага за целиот случај. Можно е да го казнат на 1 натпревар во 1/4 финале. Во своја одбрана рекол дека имал негови другари на трибини веднаш до словачката клупа па дека со нив се шегувал.

Најтрофејниот светски тенисер по број на Гренд слем трофеи стигна во Лондон и веќе неколку дена тренира пред Вимблдон. Новак Ѓоковиќ стартува утре во 1. коло против чешкиот тенисер Вит Коприва. Во разговор со Вишковиќ од Спортклуб ги насмеа присутните на крајот од муабетот.

Марио има 33 години, ама исто како да има не 23, туку 13. Никогаш не созреа, напротив бетер е. Го снимиле викендов на улица во Италија.

Најголемата српска тренерска легенда беше да ја бодри Србија на лице место. Се прослави со драњето по извесен Драган, а овој пат го искара и селекторот Драган. Дами и господа, незаменливиот Светислав Стевановиќ - Лимени.

Франција за сега игра скромен шампионат со една победа, остварена со автогол. Вториот гол им е од пенал, а го постигна Килијан Мбапе кој ја прескокна Холандија поради скршениот нос. Вели дека после тоа не спиел два дена и дека носењето на маската е апсолутен хорор. Пред голем испит се попладне од 18 часот. Ги чека осминафинале против Белгија.

Нико е дете на Атлетик Билбао. Брат на лидерот на овој тим Ињаки Вилијамс кој еднаш буквално го зарекол ако си оди од Баскија да оди само за Реал или Барселона а никако во странство за друг клуб. Нико го послушал уште летово кога Астон Вила со Унаи Емери дошле со понуда вредна 50 милиони евра, а Вилијамс-помалиот одбил преселба. Синоќа во 1/8 финале против Грузија пружи уште една феноменална партија со супер гол во 75’ минута.

Резервниот шпиц на англиската репрезентација, Антони Гордон (23 години, платен 45 милиони фунти за трансфер од Евертон во Њукасл) пред некој ден незгодно се повредил при пад од велосипед. Летал како што кажа самиот на прес-конференција, неколку метри. Еве што му подариле соиграчите.

Карло Анчелоти, најтрофејниот тренер во Лига на шампиони кој како играч и тренер дури 7 пати го кревал трофејот од највредното клупско натпрварување, периодов ужива во САД на одмор со сопругата Марина. Заслужено после шампионска титула со Реал Мадрид во Ла Лига и во Лига на шампиони.