Атлетико и Реал одиграа долго и тензично дерби кое заврши 1:1 и кое во еден момент беше во прекин, поради разно разни предмети кои летаа кон Тибо Куртоа.

Пред крајот на лигашкиот дел од МЛС лигата во САД, синоќа Интер Мајами одигра 1-1 против Шарлот. Интер Мајами веќе осигура пласман во плејофот а се останува да види дали ќе биде прв на крајот во Источна Конференција. Гостите први поведоа во 57' минута преку Свидерски а после 10 минути Лионел Меси го постигна 15-от гол во сезоната на асистенција на својот другар од Барса Серхио Бускетц.

Во дербито на колото во германската Бундеслига, Баерн Минхен и Баер Леверкузен одиграа 1-1. Гостите први го скршија мразот преку Роберт Андрих во 31' минута а Александар Павловиќ израмни во 39' минута после најубавиот гол на викендот во Германија.

Арсенал го совлада Лестер 4-2 со два гола во длабоко судиско продолжение во 90+4' и 90+9' минута по автоголот на Ндиди и Каи Хаверц. Ама претходно на 2-2 израмни десниот бек Џејмс Џастин со прекрасно волејиште.

Дваесет и две годишниот фудбалер на Аталанта и српски репрезентативец Лазар Самарџиќ со прекрасен гол од далечина му донесе бод на тимот од Бергамо (1:1) во последни моменти од гостувањето кај Болоња.

Дербито Вардар - Еурофарм Пелистер кое го добија домаќините 27:24, имаше убава увертира. Ја пуштија на звучки „Заветна“ на што одговорија и двете навивачки групи.

Педантните статистичари понекогаш досаѓаат со секакви рекорди, ама она што го направи фудбалерот на Челси Кол Палмер во саботата беше нешто невидено во Премиер лига и општо ретко во фудбалскиот свет.

Во натпревар од српската Супер лига, Војводина и Раднички Ниш одиграле 3-3. Гостите стигнале до бод со гол буквлано во последни секунди, во 95-та минута од судиско продолжение. А момент на мечот кој го обиколува светот е пеналот кој го направил 22-годишниот стопер на Војводина Сеид Корач. Инаку е репрезентативец на Луксембург. Невидена глупост!

Не е добар со паметот така?

Атлетико Миниеро - Ривер Плејт, четвртфинале во Копа Либертадорес 2021. Мајсторот се вика Матиас Сарачо. Што е ова младичу? Пеле и Марадона немале ваква завршница пред гол.

Кристијан Пулишиќ не го дава Кака за жива глава, ама на крај се сменија работите и стигна до феноменот.

Жозе Мурињо летово стана тренер на Фенербахче. Ги доби саканите засилувања и сезоната му тргна добро. Освен тешкиот и болен пораз од најлутиот ривал Галатасарај 3-1. На табела во Турција после 6 кола Галата е прв со 18 бода а Фенербахче втор со 13. Има уште многу да се игра. Знае и Мурињо за тоа. Новинарите го прашале што е тоа „ефект Мурињо“?

Кој следи италијанско од златните времиња, не може да ја заборави бомбата на Матијас Алмеида од 40 метри која на 26 септември 2024-та, наполни 25 години. Турам божем расчистува, ама топката му легнува на Алмеида како на баба пензија на први. Немоќен Џиџи Буфон.

Мирза Џомба, кој важи за икона на хрватскиот ракомет пристигна во Скопје. Повод му е интервју со Кире Лазаров во емисијата (Не)успех првака, а беше гостин и на тренингот на Алкалоид. Инаку Џомба и Лазаров играа заедно во Загреб и Веспрем и тој беше дел од златната генерација предводена од Лино Червар која стана светски и олимписки првак во 2003-та и 2004-та. Гоце Георгиевски по него го носи прекарот Џомба.

Денис Роман бил во некој камп на американска војска како гостин и таму поминал низ сите дупки, сите сакале да го запознаат, да помуабетат со него, да се сликаат, да му раскажат за тоа како живеат. Во еден момент поминал до група американски војници со хрватско потекло кои вриштеле од смеење. Му паднало интересно да види што гледаат, па му објасниле дека во Хрватска во живо оди емисија без никакви рестрикции, забрани, стегања. Тој се воодушевил и рекол дека би гостувал во таа емисија кога ќе може.

Поранешниот репрезентативец на БиХ, Миралем Пјаниќ е нов член на ЦСКА Москва. Љубителите на фудбалот во Русија потсетија на еден негов потег со кој самиот се ставил во незгодна ситуација.

Европската фудбалска унија (УЕФА) ја казни Барселона со 10.000 евра и и одзема право да продава карти на своите навивачи за следниот гостински меч од Лига на шампиони против Црвена Звезда во Белград. Неколку навивачи пред мечот со Монако на гости во Франција каде Барселона изугби 2:1 во 1. коло од Лига на шампиони држеа парола со натпис Flick Heil и со симболот кој асоцира на нацистичката парола Sieg Heil.

Налетавме на видео со навивачка атмосфера од ватерполо натпревар на пристаниште во туристичката атракција Дубровник. Не се работи за некоја моментална фешта. Тоа да ти било со традиција од над 100 години.

Чуда се случуваат сезонава во Копа Либертадорес. По големиот Ботафого кој после верувале или не цели 51 година се пласираше во полуфинале на најважниот клупски фудбалски турнир во цела Јужна Америка, сега и Пењарол од Уругвај тргна по тој пат.

Му тргна одлично со Барса, има 7 од 7 во првенство. Ама човекот изгледа размислува во простор и кога не е на работа. Погледнете го фино лепо како им ја објасни тактиката на навивачите, каде треба да го чекаат.

По крајот на мечот Еспањол - Виљареал во шпанска Ла Лига кој гостите го добија 1-2, некој гневен навивач со чаша го гаѓал главниот судија Алехандро Кинтеро Гонзалес. За малерот по него да биде поголем, судијата инстиктивно крева поглед и точно гледа кој замавнал. Виновникот веднаш е лоциран, најден и го чека драстична казна. Еспањол најави дека ќе го суспендира доживотно од трибините, а и судијата поради катастрофално судење ќе биде оладен од федерацијата на неколку натпревари.

Пожарна мора да има, амбуланта исто, како и редарска служба и полиција. Ама што прави таксистов на сред прволигашки натпревар меѓу Септември Софија и Софија 1948? Да не го утнал патот? Или па можеби е на повик човекот на сред стадион? И во студио се чудат.

„Никола ова ти е 10 година по ред да имаш предсезонска средба со новинарите. Што памтиш од првата или втората, сменето ли е нешто?“, прашува новинарот. Јокиќ: Не, секоја година е исто и не знам зошто ова го правите секоја година :))). Не бе, на човеков му е досадно веќе во НБА.