Сергеј Милинковиќ Савиќ е мозок и тоа е многу добро познато од Серија А и извонредните партии во дресот на Лацио. Погледнете му го додавањево против Манчестер Сити. Штета за финишот.

Французинот, Џовани Мпеши Перикар, постави нов рекорд во историјата на Вимблдон, откако сервираше со брзина од 246 км на час. И тоа уште во третиот поен од мечот. Тејлор Фриц, не само што го врати ударот, туку му го зема и поенот. Инаку претходниот рекорд изнесуваше 238 км, а го држеше Тејлор Дент од 2010 година.

Меџик е голем човек, од прва им ја прифати шегата.

Големата НБА ѕвезда Виктор Вембанјама покажува голем мерак за фудбал последниве недели па откако е на одмор и користи слободни денови од напорната сезона, сè повеќе игра фудбал. Сега изведувал слободен удар.

Официјалниот профил на бразилскиот клуб Флуминенсе кој со 2:0 го совлада Интер во осминафиналето и го исфрли од Светско клупско првенство, ги поставил двата гола со култната италијанска песна Sara' perche' ti amo.

Синоќа на Светското клупско првенство шампионот на Саудиска Арабија Ал Хилал кој од клупа го предводи Симоне Инзаги, направи големо изненадување откако го урна големиот Манчестер Сити и со триумф 4:3 го елиминираше од турнирот. Испадна и Интер.

Налетавме на видео од редок дуел во фудбалот. Јан Колер против Филип Лам. Чехот беше стап во напад, 202 см, а германскиот бек 170 см. Смешки.

Во секој можен спортски објект, има задолжени луѓе за одржување хигиена кои секогаш се во сенка. Леброн Џејмс ја испочитува и прослави онаа која се грижи за Крипто арената.

Кого обично го нарекуваат нов Меси? Досега стотина таленти, претежно од Јужна Америка. И тој треба да биде со раст до 170 см, да биде страшен дриблер, техничар и да прави дар-мар со лева нога. А што им текнало во Германија двометраш да викаат новиот Меси?!

2 минути и 40 секунди до крај: Шпанија - Белгија 65:53. Конечен резултат: 65:67 или серија од 14:0. Гледаме и не ни се верува. И тоа зборуваме за финале на Европско првенство, кое кошаркарките на Белгија го освојуваат два пати по ред. Луда работа е ова. Скроз на скроз. Ко финалето од ЛШ 1999, Манчестер - Баерн.

Балканот две и кусур години е без една од најголемите тренерски легенди. Тоа е незаменливиот Чиро. За него имаше приказни, приказни и приказни. Еднаш кажа колку многу бил воодушевен од еден гест на Србите.

Во опширно интервју за германски Die Welt, некогашниот тренер на Мајнц, Борусија Дортмунд и Ливерпул опширно зборувал на неколку теми. Го прашале и за актуелното СКП.

Колку што фудбалската репрезентација на Кина не им носи радости на тамошните навивачи со бледите резултати, толку е голем интересот за фудбал со вештачка интелегенција. Играат роботи, 3 на 3 на терен со вештачка трева. Во Пекинг се играат Светски игри на хуманоидни роботи а турнирот во фудбал им е најинтересен и најпосетен.

Германскиот тренерски великан Јирген Клоп направи револуција и ренесанса во Ливерпул на кого му ја врати старата слава. Освои еден куп шампионски трофеи и признанија и на крај реши да замине.

Кој би рекол дека некој ќе има муда, на ваков начин да шутне пенал во полуфинале на Европско? Франческо Тоти тоа го направи против Холандија на ЕП 2000, после 0:0 во регуларниот дел. Храброста се исплатеше, Италија се пласираше во финале. И како од тогаш да се популаризираше паненката.

ФИФА и УЕФА упорно и упорно ги игнорираат апелите од фудбалерите и тренерите дека календарот е страшно многу пренатрупан и дека овој товар нема да може уште долго да го издржат.

Челси ја елиминираше Бенфика во осминафинале со 4:1, но после 1:1 во регуларните 90 минути. Капитенот Рис Џејмс во 2025-та има постигнато три гола, од кои два од слободен удар. Веројатно никој не очекуваше дека вака ќе ја изведе.

Баерн Минхен ја оправда фаворитската улога против Фламенго со триумф од 4:2. Бразилците си постигнаа автогол уште во 6 минута, два даде Кејн и еден Горецка, најубав на мечот. Голманот не се ни помрдна. Во четвртфинале ќе играат против ПСЖ, реприза на финалетo на ЛШ од 2020-та.

На Светското првенство У-19 во кошарка за играчи до 19 години, Австралија го победила после пресврт Камерун откако Камерунецот Амаду Сеини направил тешка глупост. Тој при водство од +6 на неговата репрезентација си ја забил топката во свој кош. Австралијците набрзо израмниле а потоа во продолженија славеле 101-96.

Баерн е во четвртфинале со ПСЖ, Жерсон даде чудесија од гол. Баерн Минхен со 4-2 го совлада Фламенго. Баварците после само 20-ина минути веќе имаа водство од два гола предност. Хари Кејн постигна два погодоци а едниот од головите на Фламенго кој го даде Жерсон беше маестрален.

Во осминафиналето на Светско клупско првенство некогашниот клуб на Лионел Меси, европскиот шампион ПСЖ со 4-0 го растури Интер Мајами. За тимот од САД играа ветераните од Барселона кои имаат 37 и 38 години а ПСЖ лесно се справи со нив. Меси нервозен во еден момент го нападна Португалецот Витиња, но на крајот од мечот се смирија и гушнаа.

Денис Беркгамп, едно од најкултните холандски фудбалски имиња и се разбира еден од најголемите холандски мајстори во историјата. Има пар голови кои се негова одлика и кои никој ги нема повторено.

Според описот на видеово кое го најдовме, наставници и ученици се собрале да играат фудбал. Игнорирајте го квалитетот на снимката и погледнете го потегов на еден од наставниците. Сте виделе ли некој да продаде ваква финта во маало?

Фудбалерите на Барселона се загреваат на Вембли пред финалето од ЛШ 2011 против Манчестер Јунајтед. Вртоглавица од гледање се добива, а не па треба да им ја земеш.