Светскиот мајстор за снукер нема дилеми: „Новак Ѓоковиќ е таму горе со Мајкл Џордан како најголем спортист досега“.

Околу еден месец после операција на колено, Новак Ѓоковиќ на 37 години прво се избори за финале на Вимблдон, а потоа и за финалето во Париз и тоа без загубен сет на сите натпревари. Тој е најстар тенисер во историјата кој успеал да стане финалист на Олимписки игри. Со 2:0 ги збриша Ебден, Надал, Копфер, Циципас и Музети, а за златниот медал ќе се бори против Алкарас, во недела со почеток од 12 часот.

Украинката Јулија Левченко има 26 години, 9 освоени медали на разни младински и сениорски натпреварувања во дисциплината скок во височина, но и фали олимписки медал. Да и го посакаме.

Снимката не е од Олимпијада, бидејќи на видеото го има тренерот на Денвер, Мајк Мелоун. Но сепак интересно е да се види со колку голема страст еден врвен спортист, навива за друг врвен спортист и сонародник.

Се крена голема врева околу алжирската боксерка на Олимписките игри и како што стојат работите, сепак не е маж.

Да ја разбиеме Олимпијадава со една фудбалска велелепна соло мајсторија. Се работи за Куп натпревар во САД на кој Колумбиец по име Нелсон Паласио, испука страшен топ и тоа без залет.

Авторки на неверојатниот перформанс се Чен Јукси и Куан Хонгчан од Кина, кои го освоија, се разбира златниот медал во нуркање.

Бокс дуел во Париз заврши за помалку од една минута со многу полемики околу тоа дали воопшто требаше да се одржи. Мечот го предаде Анџела Карини после два жестоки тупаници кои ги доби од Имане Кефил од Алжир, еден од двете трансродови лица кои ги одбија на Светско, но ги примија на Олимписките игри да се натпреваруваат во женска конкуренција.

Има 51 година, нема опрема, но го освои и среброто и светот и тоа во секунда, откако се појави во неконвенционално издание за една ваква спортска манифестација.

Французинот Леон Маршанд ја оствари најголемата двојна победа во историјата на пливањето и тоа за помалку од два часа. Фелпс е воодушевен.

Се вика Џимер Фредет, игра за баскет селекцијата на САД 3x3 и велат дека имал многу љубоморна жена.

Претставниците во пинг понг на двете соседни и не баш пријателски земји, во духот на спортот и олимпизмот, ги собира на заедничка фотографија, кинеската освојувачка на златен медал, Сун Јингша.

Голем ден за кинескиот спорт и Олимписките игри во Париз. Падна првиот светски рекорд во пливање и тоа доминантно.

Бразилецот Габриел Медина е трикратен светски првак во сурфање, кој веќе го заслужи златниот медал во Париз, заедно со фотографот Jerome Brouillet.

Нестварна сцена ни доаѓа од рагби пресметката меѓу Велика Британија и Република Ирска. Човек да и е родител на супер херојкава, би било повеќе од препорачливо да смени канал за време на овој момент од мечот.

Селекцијата на Норвешка има 3 од 3 на Олимписките игри и сигурен пласман во четвртфинале. Во третото коло ја добија Унгарија со инфаркт завршница. На 10 секунди до крај при резултатот 25:25, Унгарците промашија зицер за победа, а голманот Бергеруд после фантастичната одбрана успеа да организира екстра брза контра, која Александер Блонц ја круниса со гол за победа во последна секунда.

Србите сепак им го најдоа лекот на Американците на ОИ, ама не во кошарка, туку во баскет 3x3. Ги декласираа во прво коло со 22:14, по што настана делириум во салата со хитот на Нада Топчагиќ. Златан прв почна на Сан Ремо со оваа песна и потоа сите по него.

Виктор Вембанјама е висок 222 сантиметри, а Јуки Тогаши 167 сантриметри. Најнормално е да помислите дека некој си играл во монтажа, ако не ги знаете фактите за овие двајца.

Прво што треба да знаете за овој спорт е дека рекордер по број на олимписки медали е Кина со вкупно 47 од кои 20 златни, а втора е Индонезија со вкупно 21 медал. На овие Олимписки игри во бадминтон има 173 натпреварувачи од 49 земји. Да видиме како тоа го прават Кинезите во мешани двојки против Франција, односно трикратните светски прваци, дуото Женг Сивеи - Хуанг Јачионг.

Се работи за двајца боксери кои на втори Олимписки игри по ред добија право да учествуваат како боксерки.

„Убаво е да се гледа вакво самоуверено спуштање, зарем не, но сепак те остава со срцето во уста кога ја гледате брзинава“ вели коментаторот на Еуроспорт за Том Пидкок, за време на неговото лудачко возење на Тур де Франс во 2022 година. Инаку вчера во дисциплината Крос Кантри во Париз, со мајсторски потег го турна Виктор Корецки на второ место и го одбрани златниот медал од Токио.

Го донесоа Мбапе, ама пристигна и Ендрик, голем бразилски талент, договорен во 2022-ра од Палмеирас за ова лето, со цел да стане полнолетен. Добро, кој попрво ќе игра тука?

Едвај се прегрнаа, прекусо разговараа, Златан имаше резервирана насмевка, која кај Пеп едвај и се забележуваше. Инаку на ист терен се поради пријателска меѓу Милан и Манчестер Сити во Њујорк, а односот им е таков поради времињата во Барселона, кога имаа недоразбирата по кои Златан ја грееше клупата.

Возбудата во оваа трка и општо во секој сличен индивидуален спорт е што имаше голема неизвесност и што победи тој што не беше во предност при крајот. Американецот Рајан Марфи од прв, падна на трет, Кинезот Џиао Жур освои сребро, а зладниот медал заврши на градите на Италијанецот Томас Чекон, инаку светски рекордер во дисциплината 100 метри грбно со време од 51,6 секунди. Во Париз исплива за 52 секунди.