Во 3. коло од Евролига, белградски Партизан го совлада Баерн Минхен 86-78 и ја забележа првата победа во нвоата сезона од елитната лига. Во белградската Арена повторно атмосфера за паметење.

Ова не е Бразил, ниту Аргентина или Шпанија, туку Романија У-21 на клучен квалификациски натпревар за пласман на ЕП 2025 против Швајцарија. Со што ли ги ранат децава? Паметот им го земаа.

Полска и Хрватска одиграа луд натпревар со дури 6 гола. Полјаците први дојдоа до водство рано уште во 5’ минута, а Хрватите направија луд пресврт со 3 гола за шест минути во вториот дел и поведоа 1-3. Полска се врати до крајот и се избори за бод (3:3) а чудна беше една судиска одлука да го исклучи хрватскиот голман Доминик Ливаковиќ после една интервенција надвор од шеснаесетникот.

Европскиот првак Шпанија ја оправда фаворитската улога против Србија и ја доби со 3:0. Мората промаши пенал, а Србите најголемата шанса ја имаа на 1:0 преку Митровиќ, израмнување кое можеше да донесе голема возбуда и неизвесност. Најубавиот момент на мечот е слободниот удар на Алекс Баена.

Фудбалската асоцијација на Англија (ФА) три пати измери па еднаш пресече. Не избрзаа со изборот за нов селектор и на крај изборот падна на германскиот тренер Томас Тухел.

Бразил го доби Перу со 4:0, а Коста Рика беше подобра од Гватемала со 3:0 во квалификациските средби за СП. Ги издвојуваме атрактивните голчишта на Андреас Переира и Франциско Калво.

Три гола и две асистенции за најдобриот фудбалер на светот според многумина, и тоа пред своите Аргентинци на голем јубилеј. Во квалификациите за Светско првенство 2026 Аргентина ја згроми Боливија, остана неприкосновен лидер на табелата и практично со една нога обезбеди пласман на Мундијалот.

Се знае ли овде кој јаде, кој пие, а кој плаќа?

Човекот кој не открива тајни се вика Андрес Иниеста, а Роналдињо се служи со финти во стилот на Џаро.

Стадионот на Барселона, култниот „Камп Ноу“ веќе неколку години трпи сериозна реконструкција поради што екипата игра на Олимпискиот стадион на ридот Монжуик. На интернет се појави видео од страшна тепачка меѓу две тајфи мајстори: Романци и Албанци. За среќа освен повреди немало посериозни последици.

На Норвешка и се случи потоп во Австрија од 5:1 и сега овие две селекции заедно со Словенија се израмнети во група. Кога реди голови и победува е насмеан, а кога губи не ги рецка новинарите. Ни здраво, ни чао, ни изјава во микс зоната, каде е должен да соработува со печатот. Плус зборуваме за големо име. Ерлинг Халанд. 

Вистинска реткост или како што вели самиот Фабио скоро невозможно е играч од одбрана да ја освои најпрестижната индивидуална награда, без која остана и еден Златан Ибрахимовиќ. Канаваро беше ѕид во 2006-та кога Италија стана светски првак. Дознал на необичен начин.

Фудбалската репрезентација на Бразил минува низ многу сериозна резултатска криза, па така на 9 одиграни натпревари во квалификациите за Светско првенство има 4 порази и 1 нерешена средба со гол разлика 11:9 што до скоро беше сосема незамисливо. Излезот од кризата која започна пред Светското 2022-ра уште не се гледа.

Легендарниот Сер Алекс Фергусон (82) важи за еден од најголемите тренери во историајта на фудбалот. Тој од Манчестер Јунајтед направи трофеен, славен клуб кој стекна милиони навивачи ширум светот. Но клубот сега со нови луѓе во управата решил максимално да штеди на секое поле, па така му ја стопира и платата/пензијата на Фергусон.

Килијан Мбапе, најголемата фудбалска ѕвезда во светот во моментов се соочува со многу сериозни обвинувања за силување во Шведска, а тој во своја одбрана вели дека ПСЖ го мести пред многу важно судско рочиште.

За време на дуелот Босна и Херцеговина - Унгарија во Лига на Нации, стотина навивачи на Босна кои стоеа до гостинскиот кафез, скандираа: „Убиј го Србинот“ а потоа со Унгарците заедно си поделија скандирања за своите земји и меѓусебни аплаузи. Се очекува реакција на УЕФА за овој скандалозен чин кој доаѓа откако регионот периодов се сплоти да ја помогне Босна и Херцеговина со страшните последици од поплавите во кои загинаа 20-ина лица.

Има толку многу неправедни предрасуди за нефудбалски теми во однос на Пакистан, а од оваа земја многу зависи денешниот современ фудбал. Пакистан веќе долги години го држи лидерството како светски топ производител на фудбалски топки. Околу 70% од светското производство на фудбалски топки се прави во градот Пенџаба на северо-истокот од земјата.

Дебито на Даниел Малдини за селекцијата на Италија испишува ново поглавје од невидена спортска и човечка приказна. Еден ден ќе биде раскажана во енциклопедија, бидејќи книгата не е доволна за историски момент со ваква тежина.

Германија ја совлада Холандија со 1:0 и се зацврсти на првата позиција во групата со +5 пред Лалињата. Прв репрезентативен настап, прв гол за Џејми Левелинг од Штутгарт, кој ќе ја дупнеше топката од што ја удри јако.

Селекцијата на Турција, предводена од Монтела направи голем пресврт на гостувањето против Исланд. Губеа точно 1 час, уште од 3` минута, но славеа со 2:4 и тоа со голови во 88` и 95`. Меѓу стрелците се запишаа Чалханоглу и Гулер, но мајсториите за одбележување се ремек делата на Ирфан Кавечи и Керем Актуркоглу. Први се во група со 3 победи и едно реми пред Велс, Исланд и Црна Гора.

Судар на две ега, на две јаки суети. Кој ја зборува вистината не знае никој.

Поранешните клупски соиграчи од Јувентус, Шчесни и Роналдо имаа куса средба во тунелот откако се сретнаа во Лига на нации на мечот Полска - Португалија. 

Видовме убав материјал од изминативе четири дена во Лига на нации, кои се играат уште две вечери и уживавме во дури 5 гостински голови на нашите фудбалери. Ако треба да ја избереме најјаката асистенција, тогаш изборот мора да падне на Флориан Вирц, иднината на германскиот фудбал. Се случи во Зеница каде Германија со двата гола на Дениз Ундав ја доби БиХ со 1:2. Секој би помислил дека Вирц ќе шутира во гол во една ваква ситуација, но ги изненади сите.

Дани Алвеш беше едно од последните големи фудбалски имиња осудени на затворски казни (4 ипол години) поради гнасен чин на силување. Но општо позната пракса во светот на спортот е и тоа што девојки во договор со разни манипулатори и адвокати пријавуваат фудбалери иако минале заедничко време по сопствена воља. Со цел да им изнудат огромни астрономски суми и да се обезбедат за цел живот.