Двократниот светски шампион Фернандо Алонсо триумфираше убедливо на трката во Шангај за Големата награда во Кина, пред Раиконен, Хамилтон, кој имаше пол позиција и пред Фетел.

Постирањето на сопствено видео зачинето со вашите вештини кои ги поседувате, понекогаш може да ви го исполни сонот. Тоа му се случи на Норвежанецот Хавард Ругланд кој од играње аматерски фудбал, стигна до најпопуларниот американски спорт НФЛ.

Замислете си дека гледате Премиер лига на ТВ и одблиску можете да чуете како Горан Попов на струмички акцент сочно го пцуе Хауард Веб. Ова може наскоро и да биде реалност ако ни се исполни желбата и камерата која се употребува на преноси од рагби натпревари во Англија и Австралија, почнат да ја користат и во останатите спортови.

Македонските пливачи остварија потпросечни резултати на последните Олимписки игри во Лондон, а дел од причините за нивниот неуспех беа и лошите услови за подготовки. Поради немањето на базени, нивните тренинзи често се одвиваат на суво, а ние имаме ексклузивна снимка од еден ваков тренинг.

Рускиот хокеар Дмитри Учајкин почина неколку денови по натпреварот на кој добил силен удар во главата.

Прославениот поранешен југословенски скијач, Словенецот Борис Стрел почина на 53-годишна возраст.

Контралатерално од лириците на маестралната од Лени, скопските љубители на велосипед не сакаат да избегаат, ниту пак одлетаат од своите проблеми и на 11-та Критична маса решија културно да го изнесат нивното незадоволство предизвикано од несовесните возачи, заглавените точкарски патеки и лошата велосипедска инфраструктура. Ипсилатерaлно на текстот, Супермен леташе и нè поддржа!

Агњешка Радвањска во четвртфиналето на турнирот во Мајами го изведе најдобриот повратен удар во женскиот тенис во 2013. Кирстен Флипкенс не можеше да поверува дека го загуби поенот на овој начин, а овој поен беше и пресвртница на натпреварот по кој Радвањска се избори за полуфинале против Серена Вилијамс.

Организаторите на Олимписките игри кои ќе се одржат во рускиот град Сочи имаат силни спонзори, а на игрите ќе настапат сите врвни натпреварувачи од зимските спортови со што се исполнети сите предуслови за успешни ЗОИ. Но има само еден мал проблем. На Сочи му фали снег.

Изведувањето на пенали во хокеј е секогаш интересно при што играчите пробуваат да изведат некоја сложена финта, но Артем Вороњин од Спартак на натпревар од младинската Континентална лига покажа дека со малку инвентивност може да се постигне гол и на поедноставен начин.

Разно разни се реакциите на татковците и мајките кога нивното дете ќе оствари некој голем спортски успех или ќе добие критика од тренерот. Последниот пристрасен родител е таткото на голманот на Арсенал, Војчех Шчесни кој го обвини Арсен Венгер за лошата форма на неговиот син.

Себастијан Фетел ја игнорираше наредбата и го претекна својот тимски колега со што стигна до првиот триумф во новата сезона, а ова е реакцијата на Марк Вебер по претекнувањето на 10 круга до крајот на трката во Малезија.

Актуелниот шампион во Формула 1, Германецот Себастијан Фетел триумфираше на трката во Малезија, а зад него се пласираше неговиот тимски колега Марк Вебер. На третото место финишираше Британецот Луис Хамилтон од Мерцедес.

Тоа се тие двајца каратисти кои “расцветаа“ две невини фаци. Првиот е професионалец кој изведе удар кој мислевме дека постои само на филм, а вториот тоа го прави многу несмасно на квалификацискиот фудбалски натпревар помеѓу Нов Зеланд и Нова Каледонија.

Канадската тенисерка Ребека Марино која стигна до 38-та позиција на ВТА листата, замина во пензија на само 22 години затоа што не можела да ги поднесе критиките на интернет.

Австралиецот Роберт Менен беше приморан да се повлече од велосипедската трка во Јужна Африка откако во него удри антилопа. За среќа тој помина со полесни повреди, а најмногу настрада неговиот велосипед.

Американката Лоло Џонс толку очајно посакува да освои медал од Олимписки игри, што откако минатата година не успеа на спринтерските трки во Лондон, се преориентираше на боб санка и ќе се обиде да дојде до медал на зимските ОИ во Сочи.

Експертите тврдат дека сквошот е најздрав спорт, но не само што е здрав, тоа е и интересен спорт. Англичанецот Џејмс Вилстроп е махерот кој со неговиот потег е најзаслужен за првото споменување на сквошот на нашиот сајт.

Ете што се случува кога Швајцарци ќе играат хокеј со пак купен од кинеска продавница. Голот на Фрибург против Бил не беше признат затоа што целиот пак не ја мина гол линијата.

Новата сезона во Формула 1 шампионатот започна со триумф на Кими Раиконен кој ја однесе победата на патеката Алберт Парк во Австралија пред Алонсо и Фетел.

Го имаме главниот конкурент за признанието „најбизарна повреда на годината". Бејзбол играчот Мајкл Тејлор си го пресекол малото прсте фрлајќи мастика.

Легендарниот центар на Лејкерски, Шекил О`нил кој не престанува да ја забавува публиката, популарниот Харлем Шејк го прекрсти и не удостои со ново лудо шоу. Уживајте.

Замислете, Холандија како велосипедска велесила да ги има сончевите денови на Македонија... За сè друго би постоел Мастеркард. А кога Македонија би ги имала точаците на Холандија.. Ќе нема кој да ги вози, а Мастеркард ќе си остане Мастеркард.

По повод 8-ми март, меѓународниот ден на жената, Олимписки комитет објави видео компилација со најинспиративните моменти и спортистки во олимписката историја.