Абахарова истурила жива од термометарот на шаховската табла и на масата со шаховски фигури, а набргу откако Османова седнала на маса, почувствувала мачнина и вртоглавица и на крајот колабирала.
На местото на настанот ѝ била укажана помош, па завршила во болница, а руските медиуми пишуваат дека за среќа нејзиниот живот е надвор од опасност.
„Сите информации ги собираме од еден извор. За жал, факт е дека ова навистина се случи. Супстанцата? Беше жива. Најпрво ѝ посакувам на повредената многу здравје и брзо закрепнување. Сигурен сум дека сѐ ќе биди добро и дека наскоро ќе му се врати на шахот. За среќа, со Османова сѐ е во ред. Докторите ги презедоа сите потребни мерки и шахоистката е пуштена дома. Нејзиното здравје во моментов не е во опасност“, рече Александр Ткачев, извршен директор на Руската шаховска федерација.
Главниот мотив за нападот е наводно лично непријателство кое трае веќе подолго време, а Абакарова ја обвини Османова дека се однесувала навредливо кон неа и кон нејзиното семејство.
Организаторите на турнирот го пријавиле инцидентот во полиција, која ја прегледала снимката од надзорната камера и открила дека зад сѐ стои Абакарова.
Во меѓувреме Абакарова доби доживотна забрана за учество на шаховски турнири, и се заканува губење на работното место и затворска казна до 3 години.
Russian chess champion Amina Abakarova was caught on CCTV trying to poison her rival pic.twitter.com/KkC5VqeHyo
— Idiots Caught In Camera (@IdiotsInCamera) August 15, 2024
