Една година по завршувањето на Олимписките игри во Лондон, Англичаните се подготвуваат за повторното пуштање во употреба на олимпискиот парк. На површина од 220 хектари беа засадени уште 4.000 дрва и овој парк ќе претставува главно место за рекреација на лондончани со бројните спортски и рекреативни објекти, патеки, уметнички дела и локации за пикник.
Олимписките паркови во Лондон, Атланта, Барселона и Сиднеј се дел од оние со добра судбина каде организаторите на игрите уште пред нивното одржување имаа испланирано како ќе управуваат со објектите по завршувањето на игрите.
За жал некои Олимписки градби ја немаа таа судбина. Зачудувачки е како дури и една Германија по скоро 80 години не најде решение за неколку градби од Олимписките игри во Берлин во 1936-та година. Слични е судбината на градбите од Минхен, Сараево, Атина, Пекинг...
