Холандскиот поглед на светот е поинаков. На многу нивни сајтови на ударните места ќе го најдете зборот Schaatsen - во превод брзо лизгање.
Нивен најголем херој во последниве години е Свен Крамер, еден од јунаците на нацијата. Колку за опис: Во моментот на слетување во Пјонгчанг, Свен бил трократен олимписки шампион (3 злата), деветкратен светски првак на кратки патеки и 19-кратен шампион на долги дистанци. Уште во 2010 година тој бил почествуван со Орден на Холандскиот лав, највисок орден за заслуги во некогашната светска империја.
🥇 #medalplaza pic.twitter.com/HrhjSPwQnC
— Sven Kramer (@SvenKramer86) February 12, 2018
Во Пјонгчанг Свен докажа дека му нема рамен и дека е неприкосновен лидер. Го сруши олимпискиот рекорд на 5.000 метри кои ги излизга за 6:09.76. Крамер влезе во историјата како прв лизгач којшто успеал да освои злато и руши рекорди на дури три Олимпијади по ред!
Холанѓанецот царуваше во Сочи 2014 и во Ванкувер 2010 а во Торино 2006 тогаш 19-годишниот холандски гениј изгуби од некогашниот првак Чад Хедрик. Но во Кореа Крамер не стигнал сам. Херој на нацијата и ѕвездата на холандскиот женски спорт Наоми ван Ас која е двократна олимписка шампионка во хокеј на трева е негова девојка. Наоми има златни медали од Пекинг 2008 и Лондон 2012.
Наоми не само што е најдобра во хокеј на трева, туку е добра и на танцувачки подиум на телевизиските шоуа.
Ван Ас и Крамер почнале да се дружат во 2007 година кога се запознале на една гала-вечера. Во тој момент ни тој ни таа немале злато на Олимписки Игри.
Според Крамер, благодарение на средбата со Наоми, тој станал ментално и физички многу посигурен. Во 2008-ма Наоми првпат станала Олимписки шампион откако дала решавачки гол во финалето против Кина.
Happy!!! #hockey #finale pic.twitter.com/oD8oJTtCGW
— Sven Kramer (@SvenKramer86) August 17, 2016
После неверојатниот триумф во неделата Свен со рацете направил потег којшто на социјалните мрежи се тумачел дека Ван Ас е бремена. Но Крамер демантирал: „Не, не, само покажував накај својот спознор. Тој стално ми вика дека сум одважен на мразот“, рекол шампионот во интервју за NOS.
