Макс Ферстапен направи чудо на трката со поројни дождови во Сао Пауло

Големиот трикратен шампион и најдобар Формула 1 пилот на денешницата, Холанѓанецот Макс Ферстапен направи нов и досега ретко виден подвиг откако на трката за Големата награда на Бразил стартуваше од дури 17-то место а на крајот со страшен пробој на влажната патека Интерлагос стигна до првото место.

Epa images

Пилотот на Ред Бул на патеката во Сао Пауло во Бразил каде пред и за време на трката имаше поројни дождови, успеа да помине еден куп натпреварувачи и полека да го гради својот пробој до врвот. На крај успеа да го мине и Естебан Окон кој беше лидер.

Низ целта на крајот зад победникот Макс Ферстапен завршија Окон и Пјер Гасли од тимот Алпин. Интересно овие двајца Французи досега немаа ниту еден подиум во кариерата па авантурата во Бразил ќе ја паметат засекогаш.

Очајни настапи имаа тимовите на Вилијамс, Астон Мартин, Мекларен и Хас. До крајот на Формула 1 патувачкиот циркус остануваат уште три трки, а следната е закажана за 23. ноември во Лас Вегас.

Макс Ферстапен во моментов е прв во генералниот пласман со 393 поени (има 8 победи сезонава, 8 пол позиции и 13 подиуми). Втор е Ландо Норис од Мекларен со 332 поен (3 победи, 7 пол позиции и 12 подиуми), а трет е Шарл Леклер од Ферари со 307 бода (3 победи, 3 пол позиции и 11 подиуми).

 

4 ноември 2024 - 10:44

Штета ако сте пропуштиле

Не можеш да им угодиш, па тоа ти е

Ете, и тоа се случи

Дежуловиќ: Јасно е за што служат коментарите на порталите

Чекање на шалтер, Тајланд верзија