Спортскиот свет треба да биде спремен за една олимписка бајка во Пјонгчанг, Јужна Кореја. Додека целиот фокус е насочен кон допинг скандалот на Русија и евентуален бојкот од Москва, Јамајка е на пат да се квалификува во женски боб во двојки на Олимписките Игри.
Карипскиот тим стана фамозен по филмот Cool Runnings (Јамајчаните на боб санка). Двојката составена од Јазмин Фенлатор-Викториан која веќе била на Олимпијадата во Сочи 2014 со тимот Америка и Кери Расел (во 2013-та освоила златен медал на Светско Атлетско првенство во штафетата 4х100) е на чекор од пласман на ОИ.
Јамајка е во игра за последниот воз за Пјонгчанг со само 24 бодови предност во однос на Романија. Својата боб-санка двете бобисти од Кингстон ја нарекле Mr. Cool Bolt во чест на најбрзиот спринтер на сите времиња.
Jazmine Fenlator and Carrie Russell make another mark in history for Jamaica, clocking Jamaica’s best international result Saturday! 🇯🇲 pic.twitter.com/DizQv2LIVR
— Jamaica Bobsled Team (@Jambobsled) December 10, 2017
ИСТОРИЈАТА НА ЈАМАЈКА НА ЗИМСКИ ОЛИМПИСКИ ИГРИ
Јамајчаните низ историјата имале 11 квалификувани олимпијци за Зимски Игри и сите 11 биле мажи бобисти со исклучок на крос-скијачот Ерол Кер кој настапил во Ванкувер 2010.
Фенлатор-Викториан и Расел би можеле да станат првите жени Јамајчанки на едни Игри. Во 2015, некогашната репрезентативка на САД која дебитирала на Олимпијада заедно со шампионката во атлетика Лоло Џонс, во боб во двојки, решила да се натпреварува за Јамајка од каде што потекнува татко и.
Jamaica women’s #Bobsled team's 🇯🇲 first run at their World Cup debut in Winterberg, Germany. They finished 7th out or 23 teams. Well done ladies! Read more https://t.co/fthvN9sqZL @JazmineFenlator @Jambobsled
— Team Jamaica (@JamaicaOlympics) December 9, 2017
(📹 via @IBSFsliding) #Bobsleigh pic.twitter.com/l92SnPsyNt
Во ноември 2016 Кери Расел одлучила да ја напушти атлетиката за да се обиде во боб авантурата. Јагодка на шлагот би бил нивен пласан на Игрите во Јужна Кореја за каде карта се обидуваат да обезбедат и мажите од тимот Јамајка коишто настапија во Сочи 2014, 12 години после нивното прво олимписко појавување во 2002 (не се квалификуваа на ЗОИ 2006 и 2010).
