Во големото дерби на англискиот фудбал Ливерпул го доби Манчестер Сити 1:0 со гол на Мохамед Салах. Во еден дом каде повеќето членови на семејството и гостите биле навивачи на Ливерпул, бебето спиело па не смееле да урлаат на голот на Салах.

Во 4. коло од Лига Европа, Вест Хем со 2-1 го совлада белгиски Андерлехт. „Чеканите“ водеа со два гола предност веќ во 30’ минута, а гостите намалија од пенал во 89-та минута. Нередите на гостинската трибина се хајлајтс од овој дуел.

На стадионот „Полска армија“ во Варшава, дом на клубот Легија, синоќа Шахтјор Доњецк го пречека Реал Мадрид. Тимот од Украина сезонава игра во разни градови поради воената состојба во оваа земја, а најчесто се домаќини во Полска. Пред средбата со „кралскиот клуб“ полските навивачи заедно со Украинците направија кореографија во знак на солидарност со Украина.

Преку три илјади навивачи на најголемото изненадување сезонава во Бундеслига, лидерот Унион Берлин, допатуваа во Малме каде вечерва на меч со истоимениот домаќин направија голем прекин. Фрлаа со еден куп пиротехника кон домашната публика а во еден момент фрлија и топовски удар на терен после што судијата реши да ги повлече екипите во соблекувална.

Во сè-општата американизација на европскиот (читај премиерлигашкиот) фудбал, сè почесто гледаме вакви слики. На трибините каде некогаш се водеше битка против модерниот фудбал и сè што тој носи со него, сега имаме вакви примери:

Жедниот јунак кој мисли и на другарите ни доаѓа од мечот Шалке - Аугзбург.

Мизерната фудбалска сцена ни доаѓа од мечот меѓу Тетекс и Саса во втората лига. Идиотот фино лепо си влезе на терен, го удри силно гостинскиот фудбалер, а потоа им кидна на џандарите. Каков башибозук.

Големи инциденти можеа да се забележат синоќа на мечот меѓу Романија и БиХ. Домашните навивачи ги провоцираа гостите со скандирања за Србија по што настана групна тепачка. Инаку БиХ загуби 4:1, но остана прва во група, а Романија последна.

Се работи за навивачи на ФК Берое од Стара Загора кои се исправија да овековечат фотографија пред споменикот на Гоце Делчев во центарот на Скопје.

На Арената „Тоше Проески“ во Скопје, Јужна и Северна трибина беа исполнети речиси максимално. Скоро 20.000 гледачи им беа голема поддршка на нашите фудбалери кои не одговорија на терен и изгубија од подмладената и со дебитанти во составот Бугарија. Очекувано, имаше погрдни скандирања на сметка на ривалот, а и парола која привлече внимание.

Тениската елита веќе неколку дена е во Лондон каде од 23 до 25 септември ќе игра на петтото издание на Лејвер Купот. Ќе се соочат тимот на Европа и тимот на светот, а турнирот ќе го одбележи пензионирањето на легендарниот Федерер, кој умее да се опушти и да се зеза.

Хаос на меч од колумбиската прва лига. Натпреварот меѓу екипи кои очајно го почнаа првенството а меѓу кои е и шампионот Депортиво Кали. Првакот на гости изгуби 2-0 кај Кортулуа и уште повеќе се закова на дното на табелата после што навивачите збеснаа.

Навивач на Бока го носи својот син на трибината зад голот каде стојат најзагреаните навивачи на гигантот од Буенос Аирес. Пее детето не застанува.

Јувентус бележи лош старт во новата сезона. Има серија од три меча без победа во Серија А и уште два порази во ЛШ. По срамот од Монца навивачите се бесни на гестот на капитенот Бонучи поради тоа што го одвел тимот на извинување под трибина.

Во аргентинската втора лига, Белграно е апсолутен лидер со 77 бода после 33 натпревари и е на прагот да се врати во првата елитна дивизија. А како и не би биле лидери кога имаат вакви навивачи.

Пред големото мадридско дерби меѓу Атлетико и Реал, се отвори голема дебата зошто капитенот на домашните, Коке изјави дека Винисиус Жуниор би можел да има неволја ако реши евентуален гол да слави како што слави со танц. А менаџерот Педро Браво рекол: „Во Шпанија ти треба да ги почитуваш ривалите и да не изигруваш мајмун“. На ова скокнаа сите Бразилци, се огласи и Нејмар, му дадоа поддршка на Винисиус.

Рома под водство на Жозе Мурињо игра топло-ладно сезонава, исто како и лани. После 7 кола имаат 4 победи, 1 нерешена и 2 порази со гол разлика 8:7 и 13 освоени од можни 21 бод. Заостануваат 4 бода зад лидерот Наполи. Во неделата на мечот Рома - Аталанта (0-1) на ниво беа само навивачите на „волчицата“. Преку 70.000 грла ја викнаа клупската химна а трибините беа обоени во боите на Рома.

Џенаро Гатузо ја презема Валенсија неодамна и веќе разви добар однос со навивачите на „Месталја“ каде секогаш има амбиент каков што е карактерот на Италијанецот, жустар и жесток. Валенсија на домашен терен ја оствари и третата победа сезонава, падна Селта Виго со 3:0 а при вториот гол на „лилјаците“ Гатузо дрмаше еден навивач на трибините.

Не само што ја кршат насилнички, туку потоа и се пентарат на излог и ги напаѓаат вработените. Нездрава работа. Инаку ова се случува ноќта кога играа Милан и Динамо во ЛШ. Од страна ни полиција ни бутур, само луѓе за сеир.

Тој: Одиме да и правиме изненадување на мама. Таа: Ова е прв пат да пропуштиш натпревар на Милан. Тој: И тоа за твојот роденден. Таа: Треба да се урами денов. Да го видиме изненадувањето:

И покрај барањата на британските клубови во Лига на шампиони нивните натпревари во средата вечер да започнат со интонирање на британската химна во чест на починатата кралица Елизабета II, УЕФА одби поради тоа што сакала сите натпревари да почнат на ист начин како и секогаш досега.

Немаат сите народи во и околу Велика Британија исти чувства за починатата кралица Елизабета II. Во Република Ирска на меч на Шамрок Роверс домашните навивачи ја навредувале кралицата, а едноминутен молк бил прекршен на меч на велшкиот клуб Рексам кој игра во англиската петта лига.

Баерн со 2-0 ја победи Барселона која во Минхен створи еден куп шанси ама не искористи ниедна. На „Алијанц Арена“ домашните навивачи прво го поздравија Левандовски со аплауз при првото негово враќање на стадионот каде се прослави, после извадија парола за британската кралица а и скандираа против Барселона.

По крвавите нереди на мечот Ница - Келн минатата недела во Лига Конференции, француската полиција имаше работа како што немала од Европското 2016-та. Во Марсеј, град познат по озлогласени криминални банди и хулигани, стигна армијата на Ајнтрахт Франкфурт. Во број од преку 5.000 од кои пола без карти, Германците во Марсеј имаа жесток пречек.