Во Џенова врие, се игра дерби после 879 дена!

Ждрепката во Купот на Италија ги спои големите градски ривали Џенова и Сампдорија кои ќе играат едни против други после цели 879 дена од последната пресметка.

Во втората рунда на Копа Италија вечерва (21:00) на култниот стадион „Луиџи Ферарис“ во Џенова ќе играат екипите кои не се судриле меѓу себе уште од 30-ти април 2022-ра година. Тогаш славеше Сампдорија а Џенова на крајот од сезоната испадна во втора лига Серија Б.

Во меѓувреме и Сампдорија испадна во втора лига а Џенова се врати во Серија А, па се разминуваа едни со други. Дербито на Лантерна како што го викаат во Италија, доаѓа во незгоден момент по двата тима.

Најстариот клуб во Италија во моментов е 16-ти во Серија А со само 5 освоени бода на 5 меча (1 победа, 2 нерешени и 2 порази). Сампдорија е во уште помизерна состојба. Уште се во втора лига, на 17-то место после 6 одиграни кола со учинок 1-2-3 и само 5 освоени бода во опасната зона за испаѓање во трета лига.

Низ градот уште од рано утро имало судир на тифози на двата тима и полицијата:

 

25 септември 2024 - 15:29

Штета ако сте пропуштиле

За авторските работи

Честитки за Грција

Блендирана медиумска памет

10 песни составени од наслови на офф.нет