Тепачки во Белград, Загреб и Лестер

Многу работа и се отвори синоќа на полицијата. Во два градови каде се играа натпревари од Лига Европа и на пријателски кошаркарски меч. Има повредени, уапсени и по некои кои се млатеа меѓу себе за превласт на трибина.

Меѓу подрските навивачи беа Наполитанците кои среде Англија се пресметуваа со оние на Лестер уште пред стартот на мечот. На снимките се гледа дека не се користат само голи раце.

Потоа продолжија на трибина каде се пробаа и со полицијата, а како оружје ги користеја каишите.

Доста тензично било и во Загреб, каде навивачка пресметка имало во кафуле. Хрватските медиуми информираат дека шестмина навивачи на Вест Хем се уапсени откако нападнале и повредиле двајца на Динамо.

Англичаните напаѓале со шипки, а во хаосот летале разни предмети како шишиња и столици.

Претходно се движеле во голема група.

Во третиот инцидент, домашните навивачи не се тепале со гостите, туку меѓу себе. Се работи за оние на Партизан кои на пријателскиот меч против Анадолу Ефес прво му оддадоа почит на Дуда Ивковиќ, а потоа се пресметаа.

17 септември 2021 - 08:56

Штета ако сте пропуштиле

Исус претворал вода во вино. Телма оди чекор понапред

Љубовно пакетче за Скопје

Зошто современиот свет не може да се помири дека некој може да исчезне?

Номен ест Натали