Ленс игра сјајна сезона а доказ за тоа е и убедливиот триумф против ПСЖ 3:1 на стартот на новата година. ПСЖ го доживеа првиот пораз после цели 32 меча во сите турнири. Ленс блескаше пред своите навивачи и сега му се приближи на лидерот на само четири бода разлика. Во неколку моменти од дербито, редари со подвижна мрежа одеа по гостинските фудбалери за да ги заштитат од предмети кои летаа од трибините.
