Одиш на гостување во ЛЕ и пред хотел ти оставаат свинска глава

Лацио освои 3 важни бодови против Олимпик Марсеј, ама како мина целото тоа гостување за Италијанците во Франција, среќа што останаа живи и здрави. Нападнат бил клупскиот автобус на гостинскиот тим на кој му скршиле два прозори.

На синоќешниот меч меѓу Олимпик Марсеј и Лацио во Лига Европа му претходеше навивачна војна по улиците, напад на автобусот со кој се возеле Римјаните и одвратен начин на посакување добро утро за гостинските навивачи.

Навивачите на двете екипи се со сосема спротивни политични ставови. Домаќините важат за ексремни левичари, а гостите за десничари и поради тоа се стравуваше дека ќе дојде до судир кој за среќа мина без жртви.

Првите инциденти настанале на неколку часа пред мечот кога двете навивачки групи се бркале со ножеви по улиците на Марсеј, по што имало неколку повредени и на двете страни.

Потоа навивачите на Марсеј имале жесток судир со полицијата пред стадионот Велодром, па ситуацијата морала да ја расчистува со солзавци.

На мета бил и клупскиот автобус на Лацио од кој има видео како домашните навивачи го напаѓаат со димни бомби. За среќа немало повредени меѓу играчите и стручниот штаб на Лацио, туку само страв и два искршени прозорци.

Дел од навивачите на Лацио поради безбедносни причини решиле предвреме да си заминат во Рим. Кулминација на насилството била мртвечката свинска глава која Французите им ја закачиле на гостинските навивачи пред хотел.

26 октомври 2018 - 10:34

Штета ако сте пропуштиле

Водоотпорна традиција

Брендовите џабе фрлаат пари на Фејсбук и Твитер

Све за љубав

Што па им дадовме на Грците?