АЕК шампион во Грција, навивачите ја распалија Атина

Во најнеизвесната завршница на грчката Суперлига во последните дваесетина години, за титулата до крај се бореа АЕК и Панатинаикос, двата клуба од Атина кои искористија што хегемонот Олимпијакос е заспан веќе подолго време.

Пред самиот крај на првенството жолто-црните од Атина избегаа три бода откако Панатинаикос без речиси сите првотимци минатото коло изгуби од Олимпијакос, и АЕК го искористи тоа па во последното коло со 4-0 го совладаа Волос за нова шампионска титула, 13-та во клупската историја, а втора во последните пет години.

Навивачите на АЕК Атина ги купиле сите карти за овој натпревар на кој се славела шампионската титула, а после мечот славјето се пренело и на улиците близу ултра модерниот нов стадион „Аја Софија“ во атинското предградие Нова Филаделфија.

Тренер на АЕК е Аргентинецот Матијас Алмеида, некогашен фудбалер на Лацио и Интер.

15 мај 2023 - 12:45

Штета ако сте пропуштиле

Баба Зора замина во

Водици, форевеалоун

Кога (српскиот) јазик е побрз од умот

Мемоарите на еден катиљ човек