- Во среда на 30-ти август почнува продажбата на карти за мечот Италија - Македонија во рамки од септемвриското квалификациско коло за Евро 2024.
- Мечот се игра на 9-ти септември од 20:45 во Скопје. Влезниците ќе чинат од 300 до 500 денари а ќе се продаваат во неколку градови ширум земјава, соопшти ФФМ преку својата Фејсбук страница која после речиси шест месеци хакираност одново ја оспособија.
- По дебаклите од Украина 2-3 после водство 2-0 и 7-0 од Англија на „Олд Трафорд“, македонската репрезентација во не баш идеално расположение го чека актуелниот европски шампион Италија.
- Аѕурите во Скопје доаѓаат со новиот селектор Лучано Спалети откако Роберто Манчини замина за богат договор да ја води Саудиска Арабија. Македонија и натаму ја води Благоја Милевски кој се наоѓа пред отказ.
- Откако му заврши позајмицата во Наполи по крајот на сезоната, Елиф Елмас се врати во РБ Лајпциг, бундеслигашот со кој е под договор. За 26-годишниот македонски репрезентативец сега интерес покажала Фиорентина но Елмас побарал малку време да одлучи каде да ја продолжи кариерата.
- Според актуелните проценки, пазарната вредност на Елмас изнесува околу 13 милиони евра, додека РБ Лајпциг наводно бара најмалку 15 милиони евра за неговите услуги. Претходно, германскиот клуб одбил понуда од 10 до 11 милиони евра за негов трансфер.
- Елмас досега играше за два клуба во калчото, тоа се Наполи и Торино
- После повеќемесечна шпанска серија за тоа каде ќе ја продолжи кариерата, изгледа дека конечно е пронајдено решение. Душан Влаховиќ е близу трансфер во турски Бешикташ со кого утре треба да потпише 3-годишен договор односно до лето 2029-та а се очекува да заработува најмалку 10 милиони евра годишно.
- Турскиот суперлигаш од Истанбул прифатил да плаќа и провизија меѓу 15 и 20 милиони евра што е значително повеќе од досегашната сума.
- Ова ќе биде целосно ново поглавје во кариерата на српскиот репрезентативец кој во Италија играше за Фиорентина и Јувентус а потекнува од школата на белградски Партизан.
