- Некогашниот лидер а подоцна и неуспешен тренер на Челси, Франк Лампард се враќа во клубот, само 18 месеци по отказот кој го доби во јануари 2021-ва. Лампард имаше мошне неуспешна авантура и во Евертон кој со него тонеше кон втората лига, а по тренерската смена тргна нагоре и избега од опасна зона.
- Островските медиуми пренесуваат дека Лампард ќе го води тимот до крајот од сезоната почнувајќи со мечот против Вулверхемптон во сабота.
- 44-годишниот Лампард во вторникот го гледал од трибини ремито меѓу Челси и Ливерпул, само 48 часа откако Грем Потер доби отказ.
- Челси наводно го спрема Луис Енрике за долги патеки а Шпанецот би требало да добие договор по крајот на сезонава и да почне да го средува тимот. 52-годишниот Енрике веќе им презентирал на луѓето од Челси како го замислува тимот и неговите идеи многу им се допаднале.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
