- Младиот 20-годишен Врањанец Стефан Додиќ долго време мака мачи со повреди. Тој важи за еден од најталентираните ракометари во Европа и допрва требаше да блесне на европска сцена како со новосадска Војводина така и со репрезентацијата на Србија. Во 2022 стана европски јуниорски шампион.
- Некогашниот ракометар на Металург, Вардар, Охрид, Кјелце и Цеље кој со 15-16 години играше сериозен првотимски ракомет, веќе неколку месеци е член на Војводина. Но не играл речиси воопшто поради повреди.
- Сега најнова вест од тренерот на овој клуб Борис Ројевиќ е: „Едноставно, преку ноќ, 30 одсто од мускулите му атрофирале. Никој не знае зошто, поради што... Шокиран сум, нервозен и тажен од моментот кога кондициониот тренер ми го соопшти тоа. Тоа дете требаше да биде некој кој ќе ја носи нашата репрезентација и Војводина во следниве сезони. Толку сакав претходниве години да го донесеме...“
- Македонската ракометна репрезентација за утре го планира патувањето во Пореч каде ќе ги продолжи подготовките за Европско првенство 2026 кое се игра во јануари.
- Селекторот Лазаров беше принуден поради повреда да го замени Валентин Карсманакис, ракометарот на Алкалоид со Никола Маркоски. Ова е прво откажување на играч пред Европското.
- Македонија во недела ќе тестира против Хрватска, а пред Европското ја чекаат пријателски натпревари со Бахреин, Украина и Швајцарија.
- Некогашниот репрезентативен стопер со 65 настапи за Македонија и клупска легенда на германски Мајнц 05, а сега раководител на скаутинг службата при ФФМ, Николче Новески се надоврза на дискусијата која веќе неколку денови ја збуни македонската јавност.
- Новески во нешто помирен тон за разлика од неговите колеги и поранешниот селектор, кажа мислење на темата:
- „Мислам дека е времe за нови лица и создавање на нови стручни кадри во фудбалот. Секој треба да добие шанса, а времето ке покаже дали е оправдана довербата. Македонскиот фудбал и репрезентацијата не смеат да бидат заложници на поединец, особено не на човек кај кого личната суета и карактерот излегуваат во преден план.
- Во ваков момент ни треба целосна поддршка за репрезентацијата, ангажираност и сплотеност од сите што ѝ мислат добро, а не обиди за самопромоција и поделби. Репрезентацијата е над секое име и над секој поединечен интерес. Лични битки и фрустрации не ѝ носат ништо добро на Македонија”.
