Offside › Набрзинка

Монако му го краде тренерот на белгискиот шампион Унион

9 октомври 2025

Триесет и осум годишниот белгиски стратег Себастијан Покоњоли ќе биде назначен за нов тренер на Монако откако овој клуб се раздели со досегашниот предводник Ади Хитер.
Тимот од француското кнежевство го ангажирал Белгиецот кој е тренер на Унион Сен Жилоа, белгискиот шампион кој за втор пат во историјата сезонава игра во Лига на шампиони. Монако за него ќе плати обештетување.
Во Белгија Унион Сен-Жилоа е прв во моментов со 23 бода после 10 кола, а Монако е 5-ти на табела во Франција со 13 бода.
Покоњоли е поранешен фудбалер на Генк, АЗ Алкмар, Стандард Лиеж, Хановер, Вест Бромвич Албион, Брајтон и Унион Сен-Жилоа. Тренерска кариера започнал во 2021-ва како тренер на младинскиот тим на Унион Сен-Жилоа У-21 а потоа бил и во Генк У-18, Белгија У-18 пред да стане прв тренер на белгискиот шампион.

13 ноември 2026

„Кога го носиме дресот на Македонија, не ви треба друга мотивација. Играме против една голема Шкотска, која има квалитетна репрезентација. Имаме и ние одлични фудбалери, кои се во добра форма. Треба да оставиме срце на терен и да уживаме.
За мене ова е нешто ново, во само 20 дена ми се смени цел живот. Кога ќе излезам на теренот, сакам да уживам. Играме против големи репрезентации, но немам притисок, уживам во фудбалот“, кажа Гаштаров.
Натпреварот меѓу Шкотска и Македонија се игра вечерва со почеток од 20.45 часот на „Хампден Парк“ во Глазгов.

13 ноември 2026

Македонската фудбалска репрезентација вечерва на Хемпден Парк во Глазгов ќе се соочи против Шкотска во 5. коло од Лига на нации. Ќе се бркаат првиот гол и првите бодови во ова издание. Селекторот тврди дека играчите се во подобра форма.
„Мило ми е што сите репрезентативци добиваат минутажа во своите клубови. Се надевам дека ќе продолжат со таа минутажа во нивните тимови. Играчите се во подобра форма од пред еден месец, се надевам на сè подобри изданија“.
„Знаеме со какви играчи располага Шкотска. Свесни сме за грешките и мора да ги поправиме. Фудбалерите се фокусирани и мотивирани. Moе е да им кажам на моите дечки да уживаат на утрешниот натпревар“, кажа Седлоски.