Offside › Набрзинка

Кој платил 12.000 евра за „сигурна двојка“ на Кожуф – Башкими?

14 мај 2025

Се очекуваат многу жестоки казни за сомнителниот натпревар Кожуф – Башкими од пред две недели, кога ФФМ со надлежните органи тргна во офанзива по видеото од натпреварот, на кое јасно се виде дека домашните фудбалери во самиот финиш се тргнаа од пред својот гол, се со цел гостите да дадат гол и да ги освојат трите бода.
Режија за која неофицијално се зборува дека некој платил 12.000 евра, режија за која некој им кажал и ги навел фудбалерите за „сигурна двојка“ во Гевгелија, пишува sportsport.mk.
Од ФФМ соопштија дека постапката се темели на досега добиените писмени изјаснувања во кои дел од фудбалерите посочуваат конкретни лица за кои тврдат дека дале инструкции или наредби во врска со исходот од натпреварот. Осомничените ги посочи со иницијали.
Во акција тргнала и полицијата, која гледала снимки од надзорни камери од објекти во Гевгелија и Скопје каде имало состаноци и договори за споменатиот натпревар.

Светски срам во мак фудбалот, Кожуф му попушти на Башкими да даде гол во 93-та

Играчите стоеја, голманот се тргна, публиката сакаше да ги тепа

извор

Португалија добива нова седумка откако Роналдо си замина

1 октомври 2026

Потресот кој го предизвика заминувањето на Кристијано Роналдо од базата на репрезентацијата на Португалија, револтиран од односот на селекторот Жорж Жезус кој го загреваше 30 минути на натпреварот против Норвешка па не го стави во игра и го врати на клупа, уште трае.
Оваа вест е главна на сите светски спортски медиуми.
А во меѓувреме од фудбалската репрезентација на Португалија стигна нова вест дека седумката на Роналдо веќе му ја дале на Рафаел Леао за натпреварот против Данска вечерва во Копенхаген.
Леао седумка носел во младинските категории како и во Спортинг и во Лил. После Милан Рафаел Леао летово во богат трансфер отиде во Галатасарај. Кариерата на крилниот напаѓач е во пад, неговата форма драстично опадна во Милан каде ни од близу не ги пружаше партиите од првите денови во клубот. Тој за сега и во Турција не ја почна добро сезоната и не делува воопшто на играч кој прави разлика на теренот.

Добар пријател на Кристијано Роналдо открил што се случувало во кампот на Португалија

Роналдо се огласи по напуштањето на репрезентацијата

извор

Селекторот на Словенија по победата: „Не паѓаме во еуфорија, Македонија не е баш при фудбалскиот врв“

30 септември 2026

По триумфот на Словенија 2-0 над Македонија на стадионот „Стожице“ во Љубљана, словенечкиот селектор Бостјан Сезар после натпреварот зборувал подолго пред новинарите, а меѓу другото кажал:
„Честитки до момците, но ова е само почеток. Мора да раснеме од натпревар во натпревар. Едноставно не смее да има еуфорија. Победата е добра, ја остваривме против добра екипа, но Македонија не припаѓа баш на самиот врв на светскиот фудбал“.

извор