Offside › Набрзинка

Судиски извештај од срамниот меч: Играчите стоеја, голманот се тргна, публиката сакаше да ги тепа

7 мај 2025

„Увидовме на натпреварот дека нешто сомнително се случува, домашните играчи скоро сите почнаа да бараат принудна замена и сакаа да го напуштат теренот за игра.
При скоро секоја акција на гостинската екипа, домашните играчи стоеја на теренот и не играа како што играа во првото полувреме.
За волја на вистината, домашниот голман беше на висина на задачата се до последната акција, каде што застана заедно со целата домашна одбрана која не беше заинтересирана да го блокира гостинскиот напад и гостинската екипа постигна погодок“, стои во дел од официјалниот извештај на судиите кои велат дека се срамат што биле дел од ваков натпревар.

Светски срам во мак фудбалот, Кожуф му попушти на Башкими да даде гол во 93-та

извор

Лазаров принуден да менува играч за Европско поради повреда

25 декември 2025

Македонската ракометна репрезентација за утре го планира патувањето во Пореч каде ќе ги продолжи подготовките за Европско првенство 2026 кое се игра во јануари.
Селекторот Лазаров беше принуден поради повреда да го замени Валентин Карсманакис, ракометарот на Алкалоид со Никола Маркоски. Ова е прво откажување на играч пред Европското.
Македонија во недела ќе тестира против Хрватска, а пред Европското ја чекаат пријателски натпревари со Бахреин, Украина и Швајцарија.

извор

И Николче Новески кажа што има за Ангеловски: „Човек кај кого личната суета излегува во преден план“

25 декември 2025

Некогашниот репрезентативен стопер со 65 настапи за Македонија и клупска легенда на германски Мајнц 05, а сега раководител на скаутинг службата при ФФМ, Николче Новески се надоврза на дискусијата која веќе неколку денови ја збуни македонската јавност.
Новески во нешто помирен тон за разлика од неговите колеги и поранешниот селектор, кажа мислење на темата:
„Мислам дека е времe за нови лица и создавање на нови стручни кадри во фудбалот. Секој треба да добие шанса, а времето ке покаже дали е оправдана довербата. Македонскиот фудбал и репрезентацијата не смеат да бидат заложници на поединец, особено не на човек кај кого личната суета и карактерот излегуваат во преден план.
Во ваков момент ни треба целосна поддршка за репрезентацијата, ангажираност и сплотеност од сите што ѝ мислат добро, а не обиди за самопромоција и поделби. Репрезентацијата е над секое име и над секој поединечен интерес. Лични битки и фрустрации не ѝ носат ништо добро на Македонија”.

извор