Поминаа 25 години од тој ноември 1991-ва или поточно 7 ноември, денот кога се случи најпознатата прес конференција во спортската историја. Во таа прилика славниот Меџик го шокираше светот, а луѓето потоа се плашеа да се поздрават со него.

Не е мал бројот на кошаркари кои ќе потпишат договор во НБА, нема да задоволат таму и се враќаат назад во Европа а американските франшизи и натаму ги плаќаат до крајот на договорот. Народски кажано клати врата-земај плата. Колку реално земаат странците кои играат во НБА?

Од епските слободни фрлања на Перо Блажевски кои беа клучни за гигантот Реал Мадрид да падне на колена во Скопје, освен што не се бришат спомените на Аеродромци, не смее да се пипне ниту овој нивен омилен графит.

На 6 ноември 1996-та 8-кратниот Европски првак Реал Мадрид му гостуваше на МЗТ Скопје во рамките на Евро Купот. Тој што беше присутен во салата Јане Сандански и по 20 години ја раскажува лудницата која ја доживеал од тој меч кој ќе остане во аналите на македонскиот спорт.

ЛА Лејкерс го одиграа можеби најдобриот натпревар во последните неколку сезони, откако синоќа буквално го понижија Голден Стејт 117-97. Момент на мечот беше забивањето на Лери Ненс Џр. кој го „искрши“ обрачот со забивање преку Дејвид Вест.

Со месеци новинарите се трудат правилно да го изговорат неговото презиме, така што кошаркарот на Филаделфија Дарио Шариќ реши досетливо да им ги скрати маките.

Кошаркарот на Орландо Меџик, Арон Гордон против Филаделфија имаше забивање на кое би позавиделе сите Ал-Стар „куцачи“. Гордон во првата четвртина украде една топка од Ричон Холмс и со две раце заби по скок од 360.

По Коби Брајант, Кевин Гарнет и Тим Данкан, уште една легенда која што ги одбележи претходните 20 години во НБА, реши да се повлече. Реј Ален замина во пензија.

Навивачите на белградска Црвена Звезда традиционално веќе неколку сезони, пред секој кошаркарски меч од Евролигата ја надгласуваат химната на ова натпреварување. Најсмешна е реакцијата на судиите кои не можат а да не се погледнат едни со други. Синоќа Звезда ја пречека Барселона, а гостинскиот играч Анте Томиќ беше преимпресиониран од 18.200 гледачи во Арената.

Литванскиот репрезентативен центар Јонас Валанчиунас покажа дека не се плаши да забие преку еден од највисоките кошаркари во НБА, Србинот Бобан Марјановиќ.

Фенербахче синоќа славеше над Истанбул Бујукшехир со 76:62 во рамките на турскиот шампионат, а најпрeцизен поединец на паркетот беше Перо Антиќ со 15 поени. Годините не му пречат за вакви потези.

Легендата на мак кошарката, Тодор Тоше Гечевски најдобрите денови од својата кариера ги мина во хрватски Задар каде имаше иницијатива да му се крене биста пред салата „Крешимир Чосиќ“. На пријателскиот меч Работнички - Фенербахче, по повод 70. роденден на Скопјани, Гечевски ги одигра последните минути во кариерата а публиката долго го скандираше неговото име. Тој е можеби единствениот играч околу кој се сложуваат навивачите на Работнички и МЗТ Скопје. Кавадарчанецот сега работи како тренер на младинците на Работнички.

Со 14 првенствени титули и 9 Купови, КК Работнички е најтрофеен кошаркарскиот клуб во Македонија. Магијата на Градски парк ја почувствуваа многу славни македонски имиња, а темелите ги удри легендарниот стратег Лазар Лечиќ со првата петорка во историјата на клубот составена од: КЊАЗЕВ, САВОВИЌ, ЃОРГИЕВ, ЃОРЃЕВСКИ, Ј.ЛУКОВСКИ.

За Роберт Боброцки, детето од Романија високо 230 сантиметри пишувавме пред две години. Во меѓувреме не само што се извишил уште, туку и јаде по седум пати на ден. 

Кошаркарскиот клуб Работнички годинава прославува убав јубилеј, 70 години од своето постоење. За таа прилика на пријателски меч во Скопје доаѓа турскиот гигант од светски рамки Фенербахче а дуелот ќе се игра на 30. септември од 19 часот во ВИП Арената на СЦ Борис Трајковски.

Сега е и официјално: Борбите за титулата европски клупски кошаркарски првак ќе се одвиваат од 19 до 21 мај следната година во Арената Синан Ердем во Истанбул каде што се играше пред 4 години.

Летните Олимписки игри во Сиднеј 2000 се одржаа овој период од 15 септември до 1 октомври. Кошаркарите на САД се појавија со Џејсон Кид, Тим Хардевеј, Гери Пејтон, Алонзо Морнинг, Кевин Гарнет и остала златна генерација која се разбира дека освои златен медал. Играше тогаш и 23 годишниот Винс Картер кој вака му играше еден на еден на 20см повисокиот Федерик Ваис (218см).

По Коби Брајант, Тим Данкан и Амаре Стадемаер, годината 2016 ќе остане запаметена по крајот на кариерата на уште еден славен лик кој минатиов викенд стави точка а кој беше мост меѓу старата школа и футуристите.

Грчкиот репрезентативец со нигериско потекло, Јанис Антетокумпо го продолжи договорот со Милвоки Бакс според кои ќе заработи 100 милиони долари во следните четири години.

Минималниот пораз од два поени разлика вечерва од Унгарија (63-61) и триумфот на Кипар над Швајцарија ја спаси Македонија од испаѓање во Б Дивизија. Унгарците играа без Ханга и Војвода, но повторно беа подобри од нас.

Македонската кошаркарска репрезентација по сè изгледа нема да игра во квалификациите за СП 2019 во Кина, туку во исто време ќе се обиде од Дивизија Б да се врати во Дивизија А за да евентуално може да игра квалификации за ЕП 2021. До тогаш може само да си свиркаме.

Во претпоследниот натпревар од квалификациите за ЕП2017, Македонија убедливо загуби од Велика Британија со 60:89.

Сакраменто и Лејкерс во 2002. година го одиграа можеби најепското конференциско финале во НБА. Сите ги паметиме седумте дуели од кои Лејкерс излезе како победник (4:3). Пред еден меч Шек решава да му испее песна на Дивац која што ја смислил во моментот.

Лил на домашен терен загуби убедливо со 1-4 од Монако, а почесниот еврогол за домаќините го постигна Жулиен Палмиери во 90’ минута од средбата. И тоа каков!