Кошаркарот на Голден Стејт Вориорс, Клеј Томпсон синоќа во НБА сруши два рекорди. Вориорс го совладаа Сакраменто 126:101 за 35. триумф во сезоната, а јунак на вечерта беше Клеј Томпсон. Репрезентaтивецoт нa САД го заврши мечот со 52 поени, од кои дури 37 во третата четвртина.
Томпсон подоги дури девет тројки во третиот период, што е уште една сензација, затоа што претходно Мајкл Рид и Џо Џонсон постигнаа по осум во една четвртина. На крајот од средбата, Клеј Томпсон на своето конто имаше 11 тројки од 15 обиди, а забелеѓжа и два скока, пет асистенции, четири украдени топки и две блокади. 19.596 навивачи во оракл Арената го скандираа неговото име. Кај поразените Кингси, ДеМаркус Казинс уфрли 28 поени и 11 скокови.
„Јас сум еден од среќниците што во кариерата играл со Мајкл Џордан, Тим Данкан, Дејвид Робинсон и некои од најдобрите играчи на сите времиња. Но ова што го видов вечерва не сум го видел кај никој", изјави тренерот на Голден Стејт, Стив Кер.
Рекордот на кариерата на Клеј Томспон:
37 поени Томпсон даде за 9 минути:
Џејмс Харден на Хјустон му донесе уште еден триумф, овој пат со кош во последната секунда. На крајот од дуелот против Феникс, Харден имаше 33 поени, 10 асистенции и 6 скокови. Донатас Мотејунас постигна 15 поени. Кај Санси Ерик Бледсо водечки стрелец со 25 поени, 9 асистенции и 8 скокови. Ајзеа Томас придодаде 22 коша.
Школското забивање на Харден:
Перо Антиќ имаше свој удел во историската, 15. победа на Атланта Хокс по ред. Јастребите славеа против Оклахома Сити Тандер 103:93, а Антиќ уфрли 8 поени, 4 скока и 2 асистенции за 18 минути на паркетот. Најефикасен кај Хокси беше Пол Милсап со 22 поени, а Џеф Тиг уфрли 17. Расел Вестбрук постигна 22 поени во поразниот тим.
Синоќешниот триумф беше 36-ти за Атланта сезонава, со што станаа сериозен кандидат за највисок дострел годинава. Следниот дуел, Атланта го игра повторно на домашен терен, против Минесота Тимбервулвс.
Резултати НБА:
Мајами – Индијана 89:87
Сан Антонио – ЛА Лејкерс 99:85
Aтланта – Оклахома Сити 103:93
Кливленд – Шарлот 129:90
Њујорк – Орландо 113:106
Денвер – Бостон 99:100
Далас – Чикаго 98:102
Минесота – Њу Орлеанс 84:92
Филаделфија – Торонто 86:91
Хјустон – Феникс 113:111
Голден Стејт – Сакраменто 126:101
