Џејсон Тејтум со страшен настап: 40 поени, 12 скока и 8 асистенции беше најзаслужен за триумф на Бостон Селтикс во НБА класикот. Неговиот ортак со кого го сочинуваат можеби најсилниот тандем во лигата, Џајлен Браун постигна 31 поен.
TATUM & BROWN LIFT BOSTON OVER LAKERS 🙌
— NBA (@NBA) March 9, 2025
JT: 40 PTS, 12 REB, 8 AST, 6 3PM, 2 STL
JB: 31 PTS, 6 REB, 3 3PM, 3 STL@celtics improve to 10-2 in their last 12 and sit 2nd in the East! ☘️ pic.twitter.com/t9XEaI4vhD
Одличен беше и Ал Хорфорд кој уфрли 14 поени, со 9 скока и четири асистенции. Овој поранешен соиграч на Перо Антиќ од Атланта Хокс имаше и едно снажно забивање при кое несмасно го удри Лука Дончиќ со колената додека висеше на обрачот.
Кај поразените Лејкерси Лука Дончиќ беше на прагот од нов дабл-дабл учинок: постигна 34 поени и забележа осум скока и три асистенции за нешто помалку од 37 минути игра.
Леброн Џејмс уфрли 22 поени со 14 скока за дабл-дабл учинок, а имаше и девет асистенции па му фалеше само едно успешно додавање за да има нов трипл-дабл.
Треба да се напомене и дека Лејкерс играа без Леброн Џејмс во најважната фаза од мечот, во последниот период кога почнаа сериозно да ја топат предноста на Бостон Селтикс.
