Панатинаикос и Партизан играа кошарка на необичен олимписки стадион во Атина

На шестиот по ред турнир „Павлос Јанакопулос“ кој се игра во чест на легендарниот претседател на Панатинаикос чиј син сега мошне успешно го води клубот, во финалето играа ПАО и Партизан. Славеа гостите од Белград 75-64 а интересно турнирот се играше на необично место, на култниот олимписки стадион „Панатинаико“ кој е стадион на кој се одржани првите модерни Олимписки Игри.

Тренерот на Партизан Жељко Обрадовиќ беше поздравен со овации од атинската публика, тој е најтрофеен тренер во историјата на Панатинаикос кој со него освои 5 европски титули, 11 шампионски титули и 7 Купа во Грција.

Партизан минатата сезона организираше пријателски натпревар против шпанска Фуенлабрада на сличен начин, на отворениот стадион „Ташмајдан“ во Белград а снимките од тој дуел го обиколија светот.

22 септември 2024 - 08:32

Штета ако сте пропуштиле

Џек Керуак за потребата да се биде љубезен

Каде грешат новајлиите?

Изненадувањата на Боровец

Норвешка, земјо моја