Најдобриот кошаркар во НБА веќе има 36 години и веќе не може да го издржи напорот на една цела сезона. Втората суперѕвезда на ЛА Лејкерс, пак, постојано се повредуваше и тоа ги чинеше рана елиминација.
2021-ва година за Лејкерс значеше повреди, повреди, утки со слободни агенти, паѓање во зона плеј-ин, нови повреди и тежок двобој со Феникс во 1. коло. Крис Пол и Девин Букер со Феникс Санс беа многу посвежи, поодморени, посилни, поздрави.
Во 6. меч Феникс Санс во „Стејплс Центар“ во Лос Анџелес го победија актуелниот шампион 113:100 и му го зададоа конечниот удар на Лејкерс.
До серијата со Феникс Санс која тимот од Аризона синоќа ја заклучи со конечни 4-2, Леброн Џејмс во 1. рунда од плејофот имаше неверојатен учиниок од 14 проаѓања понатаму без ниту една елиминација.
Претходно во составот на Кливленд, Брон имал 9-0 во прва рунда, со Мајами Хит 4-0 а со Лејкерс во сезоната 2019/2020 1-0.
Ентони Дејвис го почна мечот од старт но не се задржа долго на паркетот затоа што сè уште ровит од честите повреди не можеше да издржи и по само 6 минути игра без поени се врати на клупа од каде го проследи остатокот од дуелот.
Drummond came out to warm up for 2nd half and chucking up threes... Lakers not serious about winning lol pic.twitter.com/9YPz9aB7tD
— LakeShowYo (@LakeShowYo) June 4, 2021
Леброн Џејмс одигра сосема добро со 29 поени (само 3/10 за три поени), 9 скока и 7 асистенции а Денис Шрудер имаше 20 со по 3 скока и асистенции.
Кај Феникс кој оди во следна рунда, Девин Букер распали со дури 47 поени (24 во прва четвртина, вупно 8/10 за три поени), 11 скока и 3 асистенции. Џеј Краудер додаде 18, Крис Пол 8 со 12 асистенции.
Токму првиот период кога Дејвис излезе од игра беше кобен за ЛАЛ зошто постигнаа мизерни 14 поени а Феникс 36. Тогаш веќе беше јасно на каде ќе оди воденицата.
Во конференциското полуфинале на Западот, Феникс Санс ќе игра против Денвер Нагетс а првиот меч е во вторник на 8 јуни на полноќ.
