Жоел Ембид одигра прв меч без слободни фрлања после 2.474 дена

Синоќа во МБА ЛА Клиперс го сопреа Голден Стејт Вориорс кој е во страшен налет, а Џими Батлер се врати после повредата и со 30 поени му донесе голем триумф на Мајами Хит против Филаделфија Сиксерс. А Сиксерси играат очајна сезона - го запишаа 11-от пораз во сезоната и имаат учинок 2-11. Жоел Ембид на неговиот трет меч сезонава имаше само 11 поени и за првпат дури од 2018-та не изведе ниту ЕДНО слободно фрлање цел меч.

Последен пат кога Жоел Ембид одиграл цел натпревар во НБА без ниту едно слободно фралање било 9-ти февруари 2018-та година. Тој е еден од „најомилените“ кошаркари кај судиите кој секогаш добива слободни фрлања.

Тогаш на тој 9-ти февруари 2018-та Филаделфија Сиксерс победила 100-82 против Њу Орлеанс Пеликанс за кого играа Ентони Дејвис и Џру Холидеј, идните НБА шампиони со ЛА Лејкерс, Милвоки Бакс и Бостон Селтикс.

За Филаделфија играше Бен Симонс а лидер на теренот им беше сегашниот тренер на ЛА Лејкерс Џеј-Џеј Редик.

Од кошаркарска гледна точка помината е цела вечност од последната партија во која Ембид не добил слободни фрлања. До утринава.

Што се однесува до самиот Жоел Ембид, тој е во голема играчка криза. Синоќа имаше 11 поени (5/11 од игра) и 8 скока што е далеку зад неговиот просек. Тој ги избегнал новинарите синоќа после поразот од Мајами Хит а потоа само кратко изјавил: „Ниту едно слободно фрлање во натпревар, ова сигурно е за првпат. И навистина е луда работа“.

19 ноември 2024 - 09:13

Штета ако сте пропуштиле

Писмото на Шинејд до Мајли

Кога сè тргна погрешно и кои лекции не се научија?

Украинска дефиниција за половно

Боди билдинг на македонски начин