Демијан Лилард - 71 поен, личен и рекорд на Портланд

НБА донесе одличен викенд со неколку сјајни дуели. На дуелот Портланд Трејл Блејзерс - Хјустон Рокетс кој домаќинот го доби убедлвио 131:114, Демијан Лилард направи вистинско шоу со 71 поен, 6 скока и 6 асистенции.

Лилард го израмни овосезонскиот подвиг на Донован Мичел кој во дресот на Кливленд Кавалирс на 2 јануари годинава уфрли 71 поен. Лидерот на Портланд Трејл Блејзерс стана осми играч со најмногу постигнати поени во историјата на НБА.

Демијан Лилард постигна дури 13 тројки и му фалеше само една за да го израмни рекордот на Клеј Томпсон од Голден Стејт Вориорс поставен во 2018-та година.

13 тројки на еден натпревар има постигнато и Стеф Кари во 2016-та и Зак Лавин во дресот на Чикаго Булс во 2019-та. 

Ова е и нов клупски рекорд за франшизата Портланд Трејл Блејзерс. Лилард излезе од игра на 44 секунди пред крајот на мечот а полната арена му скандирала: „МВП! МВП!“.

Во првиот дел Лилард уфрлил 41 поен (8 тројки), и тоа е сезонава најголем број постигнати поени од еден кошаркар во НБА.

 

27 февруари 2023 - 09:23

Штета ако сте пропуштиле

Ѓубрето Зевс

Еден Софре, Софре... не е битно

Ама, зошто?

Зошто Кисела Вода е најтопла