Атланта Хокс продолжува да се поигрува со противниците во НБА, а последна жртва во низа на јастребите им беа Мемфис Гризлис, 96:86. За 17 минути колку што беше на паркетот, Перо Антиќ повторно уфрли 13 поени. Џеф Тиг беше најефикасен со 25 поени, а еден помалку имаше Кајл Корвер. Кај Гризлите, Мајк Конли беше прв стрелец со 17 поени, 9 скокови и 6 асистенции. Атланта уште има најдобар учинок на Истокот.
Сите поени на Перо Антиќ:
ЛА Клиперс го доби градското дерби против Лејкерс и на тој начин ја продолжи доминацијата над езерџиите во последните неколку сезони. Блејк Грифин запиша 24 поени и 11 асистенции за 24. триумф на Клиперси сезонава. Кај Лејкерс, Џордан Кларксон имаше 14 поени, а Коби Брајант постигна само четири поени со осум скокови и седум асистенции.
Грифин ја крена салата на нозе против Лејкерс:
Слајвето на Стив Балмер:
Сакраменто Кингс против Оклахома Тандер ја прекинаа серијата од 12 порази во меѓусебните дуели 104:83, а Руди Геј имаше 28 поени и девет скокови. Дарен Колисон забележа 24 поени и седум асистенции, а Демаркус Казинс 23 поени и 15 скокови. Во поразениот тим, Кевин Дурент даде 24 поени и девет скокови.
Словенецот Горан Драгиќ игра сe подобро и во улога на лидер ги предводеше Санси до 22. триумф сезонава 113:111. Драгиќ против Тимбервулфс даде 25 поени, а Џералд Грин придодаде 21 поен. Кај Волците, кој го претрпеа и 29. пораз, се истакна Ендру Вигинс со 25 поени.
Маркус Морис му се сипа на тренерот Џеф Хорначек:
Играч на вечерта беше репрезентативецот на САД, Клеј Томпсон кој уфрли дури 40 поени во победата на Голден Стејт Вориорс против Индијана Пејсерс 117:102. Томпсон голема поддршка имаше и од Стефон Кари, кој додаде 21 поен и 15 скокови. Кај Пејсерси, Соломон Хил имаше 21 погодок.
40 поени на Клеј Томспон:
НБА Резултати:
Шарлот – Њу Орлеанс 98:94
Кливленд – Хјустон
Филаделфија – Милвоки 77:97
Вашингтон – Њујорк 101:91
Атланта – Мемфис 96:86
Бруклин – Бостон 81:89
Чикаго – Јута 77:97
Далас – Детроит 95:108
Денвер – Ортландо 93:90
Минесота – Феникс 111:113
Сакраменто – Оклахома 104:83
Голден Стејт – Индијана 117:102
ЛА Клиперс – ЛА Лејкерс 114:89
