Сте гледале ли некогаш меч кај нас од трета или од некоја регионална лига? Да судиш таму натпревар треба да си: 1. Храбар 2. Луд и 3. Добар судија. Ништо поразлично не е ниту во Полска.

Швајцарскиот репрезентативец, Џердан Шаќири важи за еден од најниските фудбалери, ама во игра еден на еден знае да изненади со финта ала Ибрахимовиќ по која лекот е само фаул. Снимката е од мечот Манчестер Јунајтед - Стоук 1:1.

Викендов кикснаа Манчестер Сити, Манчестер Јунајтед, Барса, Реал, Баерн Минхен, Наполи, но ако сте го имале на тикет Феенорд осум пати, немате утка бидејќи тие не знаат ни за пораз, ни за реми.

Сторијата околу празниот и мал стадион на Монако нè натера да прочепкаме кои се најголемите стадиони во секоја европска земја. Има стадиони со капацитет од 10.000 гледачи но има и храмови на фудбалот кои примаат над 70.000 гледачи.

Црни против Бели се екипите кои направија симулација на меч од елитното европско натпреварување. Излегоа од подрум, демек таму им се соблекувалните, се наредија, ја пуштија химната, обезбедија пренос со камера која ги снима сите еден по еден, во позадина се разбира знамето на ЛШ, а од околу комшии. Организација на ниво. Само имаат еден пропуст, не е 20:45.

Само 6 години треба да се вратат назад фановите на Милан за да сфатат што сè имаа во тим. Тогаш Ибра, Силва, Роналдињо, Пирло, Сидорф, Робињо, сега Поли, Палета, Кучка, Соса, Лападула...

Селта сензационално водеше со 3:0 против Барселона после 33. минути игра. Ретко кој ја понижил Барса така за кратко време. Но Каталонците во еден момент се вратија на 3:2 и сите мислеа дека ќе следува пресврт. Таман кога нападнаа за израмнување, германскиот голман Марк-Андре Тер Штеген направи неверојатна глупост и мечот тука заврши.

Македонскиот напаѓач продолжува со одличните игри во Серија А. Нова мета на Илија Несторовски ова коло беше Сампдорија за трет гол во Италија и трет на гости кој го постигна во 60 минута од мечот. Одбраната на Палермо за жал попушти дури во 95-та минута за конечни 1:1.

Кога еден голман ќе одбрани 19 пенали од 41 меѓу кои и оние изведени од Меси, Кристијано Роналдо, Гризман, Диего Коста и Фалкао тоа значи дека се работи за најдобриот пеналџија на светот во моментов. Попладнево Валенсија загуби 0:2 од Атлетико Мадрид, но јунак на средбата беше Бразилскиот голман Диего Алвеш кој фати два пенали.

Познатата фристајлерка Лиса има засилување и тоа момак на нејзино ниво, ако не и појак. Кадарот им е во природа на многу фино место, а нивната задача се знае која е, да прават чудесии со топката.

Македонските фудбалски клубови не се единствени кои играат пред 100 луѓе и 12 гулаби. Еден од најбогатите француски клубови кој играше во финалето на Лигата на шампионите игра пред малку гледачи поради што често се слуша ехо „Моја!“ или „пази леѓа!“

Во четвртата француска лига се изведе пенал каков досега не сме виделе. Голманот Жан-Франсоа Беденик од клубот Ван три пати го спаси својот гол со неверојатна среќа.

Данецот беше дел од еден од најмладите состави на Арсенал. Немаше од кого да земе пример и со егоистичниот начин на живот ги тераше соиграчите, тренерите и газдите на клубовите да му ја покажуваат вратата. И со промашените шанси за гол секако.

Тренер на Њујорк Сити е Патрик Виера, а на Французинот му е лесно кога во тимот има генијалци како Пирло и Давид Виља. Синоќа победија на гостувањето против Хјустон Динамо и во моментов се први во Источната конференција на МЛС лигата.

Скоро никој да не памети кога капитенот на Манчестер и на Англија бил во послаба форма во кариерата. На Руни не му оди ама баш ништо. Грешно подава, центрира на трета статива без осет а нема волја ниту да ги брка противничките фудбалери. Поради тоа Златан покажа нервоза на мечот од ЛЕ против Зорја.

Холанѓанецот има одлични тактички замисли. Тоа го докажа веќе со младиот тим на Ајакс. На „Меаца“ има проблем со адаптацијата и суетите на големите ѕвезди, но фудбалскиот јазик е универзален, па така Де Бур на пример го извади најскапиот фудбалер на тимот во 27. минута зашто не го слушал.

По 5 минати кола најефикасна екипа во германскиот шампион е Борусија Дортмунд кој постигна 16 голови. Кога ќе го ѕирнете видео ќе сфатите дека таа бројка брзо ќе расте. Од оваа сезона го имаат еден од најопасните и најбрзите млади играчи во Европа, Осман Дембеле кој го купија од Рен. Има 19 години и се чува само со фаул.

Димензиите на едно фудбалско игралиште каде се игра 11 на 11 обично е 105 должина на 68 ширина, но урбаните дизајнери во Талјанд не се воделе по овие параметри, туку според тоа како налага просторот.

Човекот кој се ожени со девојка му од детството, со која се бакнувале во складиштето во малиот град Скална стана најдобриот фудбалер на Европа и даде дебитантски гол на Еврото 96-та. Бескомпромисен борец за кого Умберто Ањели стражарел во дворот за да не му го украдат назад во Рим.

Додека медиумите во Лига Европа пишуваа за петардите на Зенит, Фиорентина и Краснодар, вториот пораз на Интер и едвај издвојуваната победа на Јунајтед, во Ирска се испишуваше фудбалска историја, каде како што велат насловите играчите се искачиле над месечината.

Да ги пуштиш во прв состав Погба (најскап играч во историја), Ибрахимовиќ и Мата и на крај да ти извадат ваква статистика против екипа по име Зорја е жива брука. Па на улица во Украина да прашаш за клубов ќе се најде некој што ќе ти рече дека не го знае. Немаат освоено ниту една титула во украинско првенство.

Вејн Руни влезе во игра во 67-ма минута и по две минути му асистираше на Ибрахимовиќ за 1:0. Тоа е единственото од Манчестер Јунајтед во дуелот против анонимниот украински тим. Зенит и Рома покажаа како се игра дома во Лига Европа.

Во второто коло од второто по ранг клупско европско натпреварување повторно на тапет е тимот на Франк Де Бур кој се соочи со втор пораз. Образот кај италијанските екипи го обели Фиорентина со петарда во голот на Карабах за кој Муарем Муарем одигра половина час. ПАОК е единствен со триумф на гости.

Има 36 години, надвор е од опкружувањето со Меси, Иниеста и компанија и кариерата ја привршува во Катар. Но тоа не е причина да не успее нешто со топка. Во моментов е во Јордан каде ќе спроведе неколку тренинзи за деца - бегалци. Требаше да покаже дека може да жонглира до 100 ( му успеа за 41 секунда), три пати да ја погоди пречката без да промаши и да даде гол не од корнер, туку зад корнер.