44 годишниот Жоргињо се повлекува од фудбал на плажа како трет најдобар стрелец со 315 голови на 303 меча за својата земја. На неговиот проштален меч меѓу Бразил и Јапонија, чест му прави Роналдињо. Понатаму сами ќе си видите.

Чудесниот талент Кристијан Пулишиќ кој игра за репрезентацијата на САД и неодамна потпиша договор со Челси (ќе оди на лето), го потегна бранот на кој еден куп млади таленти од Америка доаѓаат на усовршување во Германија.

Селекцијата на Ирак е елиминирана од Катар во осминафиналето од Азискиот Куп. Фудбалерите на Ирак разорачани во солзи го напуштија теренот, а вака ја доживеа елиминацијата и еден ирачки фотограф. Тоа се тие емоции за фудбал, па дури и кога те пратиле на работа.

Во португалскиот фудбал има нова женска екипа по име Бенфика. Кога ќе видите како и оди во деби сезоната веднаш ќе сфатите дека ја утнале лигата бидејќи нивните резултати не изгледаат на фудбалски, туку на ракометни. Не се за една или две, туку за десет класи појаки од другите.

What I Wore се вика емисијата на BT Sport во која легендарни фудбалери заедно со водителот во соблекувална разгледуваат дресови кои ги носеле во минатото. Италијанецот кој се прослави во Челси, Парма и Наполи имаше што да каже од биографијата.

Роналдо имаше турбулентна недела. Прво на загревање пред Киево со силен шут погодил некоја девојка од трибините во лице и ѝ го скршил носот. Па во тек на мечот промаши пенал, па беше на судење за затајување данок во Мадрид.

По заминувањето на Жозе Мурињо, Манчестер Јунајтед е во транс. Игра одличен напаѓачки фудбал според филозофијата на нивниот тренер кој беше напаѓач и само победува. Уште три кола, па одат да ги полагаат најтешките испити.

Барса во неделата ја совлада Жирона, а Лионел Меси постигна убав гол на стадионот „Монтиливи“. Тоа е 37. стадион во Шпанија на кој неверојатниот Аргентинец дава гол.

Сè е тоа убаво што ФИФА и УЕФА сакаат фудбалот со помош на сите модерни технологии да оди напред, ама кога нешто ќе имплементираш, треба да знаеш и да го применуваш. Судииве во Португалија не гледаат добро или не сакаат да гледаат нешто што сите добро го гледаме. Игра со рака и нема пенал ниту по прегледот на ВАР. Срамотилаци.

Кој досега гледал јамајкански фудбал? Во нивната Премиер лига знае да се најде по некој Леон Бејли, а тоа го докажаа од Кавалиер кој славеше 1-3 кај Арнет Гарденс. Првиот гол на извесен Ранкине беше мини-Барса.

Прво, дефанзивецов има мев како на 50 годишник кој игра со другарите во сала, второ, трча тромаво и несигурно и трето не знае основни фудбалски правила, а тоа е да ја подаде како што треба. Инаку ова е меч во Јамајка.

Во низата непромислени потези во својата тренерска кариера (Лукаку, Де Брујне, Мата....), најдобриот египетски фудбалер на сите времиња е најголем грев на Жозе Мурињо како тренер на Челси. Ден-денес пробува да се извади за тоа што не го играше Салах.

Феенорд во неделата, пред преполн „Де Кујп“ со 6:2 го прегази најголемиот ривал во Холандија а јунак на мечот беше ветеранот Робин ван Перси кој даде два и намести еден гол.

Во неделата во 19. коло од холандската Ередивизија, АЗ Алкмар со 0-2 на гости го победи Херенвен а вториот гол кој го даде Осама Идриси во 78’ минута беше маестрална замисла и изведба.

Мошне непријатно и помалку бизарно е да се потегне темата за трансферот на младиот фудбалер чиј авион исчезна кај каналот Ла Манш, но од правна гледна точка е важно прашање и сега клубовите треба да дадат одговори.

Дека бил тромав, дека бил незграпен, дека не давал голови, дека делувал инертно и незаинтересирано. Французинот синоќа против Еспањол покажа зошто од клубот заминуваа Ван Нистелрој, Хунтелар, Игуаин, Раул и многу други напаѓачи, а тој остана незаменлив дел од „кралевите“: По мечот во Барселона синоќа изјави: „Сите бараат од напаѓачите голови, но јас сум 9-ка со душа на 10-ка“.

Поранешниот голман на Милан кој лани ја заврши кариерата на Сан Сиро, каде беше и во периодот од 2007-ма до 2010-та ги измешал брзините со децава. Ги облекол во тренерки на Милан, а тие му пејат нешто друго. Веројатно и натаму му влечат, бидејќи бранеше за Јуве пет сезони.

Сарагоса го совлада Овиедо со 2:0. И двата гола на мечот ги постигна Алваро Вазкез. Одиме со вториот кој сигурно ќе влезе во тесна конкуренција за гол на сезона во Шпанија. Ибра би му љубоморел. Мајсторија е благ збор за ова.

Сме виделе ножички, кои веќе со години се редовна појава во фудбалот, ама не сме виделе тројца да направат еден по друг. Пазете, првиот со ножички го погоди противникот во фаца, другиот направи асистенција со ножички, а третиот ја збрца со ножички. Ваков гол сега паѓа и веќе никогаш.

Многу полемики предизвика пеналот кој судијата Марко Гвида го досуди на дербито на колото во Серија А. Додека Бернардески и Роналдо комбинираа во шеснаесетникот на Лацио, на страна од нив Жоао Кансело падна по еден дуел со Сенад Лулиќ кој го повлече за дрес. Кристијано Роналдо го реализираше пеналот за 1-2. Тоа беше негово седмо гостување со постигнат гол во Серија А, со што го израмни рекордот на Стефан Ел Шарави од пред неколку сезони. 

Играа Фортуна Ситард и Витезе во Холандија. При резултат 1-1, во 90+2' минута Фин Стокерс проба нешто од далечина и донесе голема радост за домаќините.

„Старото“ нема намера да застане. Игра во сјајна форма и дава голови на 11 меча по ред што не се случило уште од далечната 1994 година.

Нема тука буткање врата, ставање пари во штикла и вртење погача со сватовите, ама има одење по невеста, црква, ресторан и матично, како и фаци кои ја освоија тројната круна на Манчестер Јунајтед. Фино е да се види таа легендарна банда на Фергусон во едно вакво расположение, особено Рајан Гигс кој растури на бина. И нормално не му пејат Наум Петрески и Миле Кузмановски, туку Род Стјуарт и Џорџ Мајкл.

Па добро, Јап Стам и знаеше да има осет за разлика од знаменцево.