Во црногорската прва лига се одиграа 22 кола а за титулата се борат Дечиќ кој е прв со 42 бода, Будуќност Подгорица која е втора со 40 бода и Морнар на трето место кој е трет со 34 бода. Но големи сомнежи предизвика мечот меѓу Младост и Дечиќ кој завршил 0:3 затоа што првиот гол на гостите паднал после евидентна ескиважа од домашниот стопер Звонко Цеклиќ.

Просто никому не му беше јасно како е можно шампионот Наполи од толку доминантна сезона лани, оваа да игра крајно очајно. Се мачеа со тренерот Руди Гарсија, уште послаби беа со неговата замена Валтер Мацари, а конечно како да ги подоправи новиот тренер Франческо Калцона, инаку селектор на Словачка.

Во 28. коло од романската Суперлига, Рапид Букурешт со 4-1 го совладал Арад и со 51 бод е на второ место. За првпат после којзнае колку време двата најголеми романски клубови Стеауа Букурешт (58 бода) и Рапид Букурешт (51 бод) се на првите две места во романската лига. Последниот гол за Рапид синоќа бил еврогол од 21-годишниот центарфор Борисав Бурмаз од слободен удар.

Разни клинци хараат низ фудбалските терени низ Европа, со многу талент во себе, кои може да направат големи нешта и за кои допрва ќе слушаме. Еден од нив е Лукас Баривал од Ѓургарден, роден 2006-та кој минатиот месец дебитираше за селекцијата на Шведска. Погледнете го што направи на последниот меч за својот тим со кој се разделува на лето. Следната сезона ќе го гледаме во Премиер лига во дресот на Тотенхем.

Дарвин Мачис од Венецуела е лево крило со катапулт во десната нога кој на својот Кадиз му донесе бод на дуелот против Селта со целосно изненадувачки удар и тоа во 100-та минута.

Кога се отвора малку постар ретро муабет за германски фудбал се почнува со Франц Бекенбауер, на кој се надоврзува Герд Милер, а во пакет со нив двајца оди Зеп Мајер. И тоа е трио, како една задолжителна лекција која треба, односно мора да се знае.

Дисциплинскиот комитет и комитетот по етика на Фудбалската федерација на Саудијска Арабија го суспендирале Кристијано Роналдо на два меча поради простачкиот вулгарен гест кој им го упати на навивачите на Ал Шабаб додека му го скандираа името на Меси. Кристијано е казнет и финансиски, а ќе ги пропушти следните два меча на Ал Наср со Ал Хамза и Ал Раед.

Во еден сјаен подкаст Stick to Football (Држи се до фудбал), домаќини се Гери Невил, Џејми Карагер, Рој Кин, Џил Скот и понекогаш Јан Рајт. Последен гостин им бил Вејн Руни кој раскажал разни анегдоти од кариерата.

Ова не е текст за тоа како би требало или не би требало да го викаме тренерот на Баер Леверкузен, туку текст за лингвистичките особености на шпанскиот, баскискиот и каталонскиот јазик.

По пауза од 21 година, Мајорка е финалист во Копа деј Реј, откако синоќа го елиминираше Реал Сосиедад на пенали. Регуларниот дел од мечот заврши 1:1, а на стартот од првото продолжение на голот на Мајорка се појави ѕид по име Саму Коста. Не еднаш, туку два пати во иста акција спаси чист гол. Прво ја извади со нога, а вториот пат е нешто што не се опишува. Дури и на ВАР го проверувале и утврдиле дека не е гол.

Манчестер Сити го потопи Лутон со 2:6 во 5. коло од ФА Купот. Се играше 84-та минута, мечот веќе беше затворен, но не и за Гвардиола.

Манчестер Сити покажа моќ над малиот Лутон, го торпедираше на гостински терен со 2:6 и влезе во 1/8 финале на ФА Купот. Ерлинг Халанд постигна пет гола од кои четири му беа по асистенции на Кевин де Брујне.

Од натпреварот Мелбурн Виктори - Сентрал Кост Маринерс (0:1) вчера издвоивме едно епско промашување на гостите во последните секунди од мечот, а сега стигна друго видео од истиот меч. Бразилскиот млад 21-годишен центарфор Роналд Барселос добил црвен картон само 24 секунди откако како резерва влегол во игра.

Легендарниот фудбалер на Реал Мадрид сега во улога на стручен коментатор во емисијата „Ел Чирингито“ даде мислење за ситуацијата на 39-годишниот Лука Модриќ во клубот.

Левицата на Пауло Дибала не служи само за голчишта кои обично не се бранат. Погледнете го како се загради и како ја прими на дуелот против Феенорд, а потоа и реакцијата на Де Роси. Роналдињо стил или Зидан. Импресивен потег.

Жирона со 3-0 го совлада Рајо Ваљекано а Столе Димитриевски два од трите гола ги прими во судиско продолжение, во 90+1’ и во 90+3’ минута. Од 76-та минута гостите играа со играч помалку поради експресното исклучување на Пеп Чаварија кој доби два жолти и црвен картон во само неколку секунди. Крајно наивно и глупо.

Виолетовите го совладаа Лацио со 2:1 во 26. коло од Серија А и тоа со пресврт, а при нерешен резултат Аргентинецот Николас Гонзалес ја погоди стативата од 11 метри. Коментаторот целосно изненади со реакцијата.

Нема многу што да се објаснуваат делата на Лука Модриќ кои ги остави во Реал Мадрид. Изоставен е од прв состав, но самото негото присуство и име, сè уште е важно и тежи на Бернабеу. И на 38 години решава натпревари на мајсторски начин, за потоа да следуваат заслужени честитки од цела соблекувална.

Управата на Милан и навивачите треба да бидат среќни што веќе петта сезона имаат играчиште како Рафаел Леао, еден од најдобрите во моментов на негова позиција. Португалецот од генерацијата 1999-та, не знае за нормален гол. Погледнете го што направи во 3 минута на мечот против Аталанта кој заврши 1:1.

Мечот е Интернационал - Гремио, а стрелецот Рене. Велемајсторски го изведе ова. Секоја чест.

26 февруари 2014 или 10 години од „Ла десима“, кога гледавме драма во мадриското финале од ЛШ во Лисабон. На денешен ден Реал го торпедираше Шалке во осминафинале со 1:6. По два гола дадоа Роналдо, Бензема и Бејл, а конечниот резултат го постави Клас Јан Хунтелар, чисто колку да и додаде атрактивност на забавата.

Рубен Ван Бомел е 19-годишниот син на познатиот холандски легендарен фудбалер Марк Ван Мобел. Младиот Рубен играл во второлигашот МВВ а од 1-ви јули 2023-та е во АЗ Алкмар. Синоќа со два погодоци бил најзаслужен за триумфот на клубот од Алкмар против Ајакс со кој домашниот тим кој е на четврто место се одлепил на 6 бода од тимот од Амстердам на табелата.

На натпреварот меѓу Мелбурн Виктори Сити и Сентрал Кост Маринерс во буквално 90+10’ минута од судиско продолжение гостите тргнуваат во контра пред празен гол затоа што домашниот голман остана во нивниот шеснаесетник при еден корнер. И Џош Нисбет успева да го промаши ова:

Матео Ретеги е интересен центарфор. Има 24 години. Роден е во Аргентина но има италијански корени. Почнал да игра фудбал како мал во Ривер и Бока, па после бил позајмуван во Естудијантес, Таљерес и Тигрес. После неколку интересни голови во Аргентина италијанскиот печат се заинтересира за него и набрзо тој доби повик од поранешниот селектор Роберто Манчини. Веќе има 4 настапи и 2 гола за Италија. Од 2023-та е во Џенова а сезонава постигна 6 гола и 2 асистенции на 19 меча.