Секоја скопска населба или преградие кое има фудбалски клуб, со себе носи и некоја урбана легенда. Таков е и Бецко од Драчево под чија палка поминаа многу генерации фудбалери од овој крај.
Ќе му стојам скроз десно за да го навлечам да ми шутне лево беше маалска фора во 90-те и таму заврши. Арно ама се најде голман во руската втора лига, со цел памет да го проба тоа на официјален меч. Не му се смее цел свет.
Французинката Стефани Фрапар (36) продолжува да импресионира. Таа вечерва на 2 декември ќе стане првата жена која што ќе суди меч во Лига на шампиони: Јувентус - Динамо Киев.
Ирецот Кејвин Келехер (22) е втор голман во Ливерпул. Во ситуација кога Алисон се повреди, Келехер доби шанса да го чува голот и го сочува на маестрален начин против Ајакс.
Аманда Рантанен е веројатно единствената женска која даде гол, не со нога, глава, колено или стомак, туку со нос. И тоа јакото е што оваа чудесија и успеа на 0:0 во 95-та за конечни Шкотска - Финска 0:1. Не можеш ова да го изрежираш и да сакаш.
Не дека имаат место за паника, бидејќи секако се веќе пласирани во топ 16, ама вечерва во Порто, момците на Гвардиола ја произведоа најголемата утка оваа сезона во Лига на шампиони. Па ова беше потешко да се промаши од таа позиција.
Атлетико Мадрид и Аталанта пропуштија победи на домашен терен и сега се доведоа во ситуација во последно коло да играат директни дуели за второ место во А и Д групата, каде Баерн и Атлетико се сигурни патници. Во групата Б е каша попара, а група Ц е решена.
Во азиската Лига на шампиони Јокохама со 4:1 го победи Жеонбук од Јужна Кореа. Третиот гол на мечот, во 71' кој го даде Терухито Накагава беше по ненормална асистенција на 26-годишниот Бразилец Ерик.
Потенцијално една од најголемите ѕвезди на Европското првенство следната година ќе биде младиот Унгарец кој стои на прво место во тефтерите на Барселона, Баерн Минхен, Реал Мадрид, Манчестер Сити и Јувентус.
И покрај тоа што оваа приказна е оддалечена 15.000 км од кај нас, во неа има македонштина всадена од порано која зрачи и ден денес. „Нашето наследство е чисто македонско и нашата култура е македонска“, вели првиот човек на клубот.
Во понеделникот вечер Германскиот фудбалски сојуз (DFB) објави: На Евро2020 репрезентацијата на Германија ќе ја води селекторот Јоаким Лев и нема никакви промени. Ова е дополнителен удар на интересот на германската јавност за бундестимот.
Фудбалскиот свет некако со посебна страст се изразува и со денови го испраќа Диего Армандо Марадона. А пак за неговата страст да не зборуваме. Цел живот го живееше така, не само фудбалот. Погледне со колкава жар и емоции пее песна за себе и колку моќна кулминација има во рефренот. Морници.
Во неделата вечер Манчестер Јунајтед губеше со 2-0 но на крајот благодарение на неверојатниот Единсон Кавани успеа да направи целосен пресврт и да слави со 2-3. Ама Уругваецот сега е на удар на англиската јавност и го чека казна.
Доаѓа во сиромашниот Југ и среќава скромна екипа со ограничени можности. Во конкуренција на моќните и богати Интер, Милан и Јувентус на Наполи му носи две скудета и ја добива титулата крал на Неапол.
Снимката е од 2005-та. Диего има 45 години, а Лео 18. Во другиот пар е Карлос Тевез со уште еден. Нема потреба да ви кажуваме кој е главен и како ќе заврши. Абе и со газ им ја враќаше.
Во 6. коло од Трета македонска фудбалска лига, капитенот на ФК Љуботен, најстариот клуб во земјава, Дејан Савески го постигна најубавиот гол на сезоната против ФК Зајас на гости.
Арсенал изгуби дома 1-2 од Вулверхемптон и продолжи серијата слаби резултати под водство на Микел Артета. Фрустриран беше и стоперот Роб Холдинг кој по еден дуел со гигантот и најголем билдер меѓу фудбалерите Адама Траоре изнервиран се издра на цел глас.
Еден поинаков автогол од сите други ни доаѓа од Словенија, каде играчот со број 4 во вода му го фрли трудот на голманот и уште поточно, му ја поништи одбраната од пенал.
Во меч на два поранешни клуба на Марадона во аргентинскиот лига Куп (од 25 ноември Куп Диего Армандо Марадона), Бока со 2-0 го победи Њуелс. Едвин Кардона ги постигна двата гола кои играчите му ги посветија на Диего пред ќерка му.
Милан не памети ваков старт во Серија А изминативе години. Ја совладаа Фиорентина без Ибра и сега имаат скор од 7 победи и 2 нерешени. Тоа се +5 од Интер и Сасуоло и +6 од Јуве, Наполи и Рома. Кеси му направи изненадување на Пиоли со кој створија хемија.
Во Неапол и вечерва сè е во знакот на Марадона. Против Ријека Елмас и другарите играа со 10-ка на грбот, а вечерва против Рома се појавија со дресови во аргентинска верзија. Лоренцо ја опали домаќински од слободен удар и потоа се знае. Наполи во 65-та поведе со 2:0, а Елиф е на клупа.
Во првиот меч кој Меси го заигра по смртта на Диего (Лео не патуваше претходно во Киев против Динамо во ЛШ), капитенот на Барса едвај чекаше да ја затресе противничката мрежа. Успеа во 73' минута за 4-0 со еврогол и го соблече дресот под кој носеше дрес од Њуелс Олд Бојс со број 10.
Во фудбалската лига на Малта, на мечот меѓу Марса и Сент Ендрјус после 1 час игра, домаќинот добива пенал при резултат 2-0. И тргнува изведувачот да зголеми на 3-0, ама се случува нешто интересно.
