Човекот кој го доби прекарот „Гениј“ остави богат багаж за себе, а за тоа што го правеше со топка прашајте ги татковците во случај ако сте родени во 90-те.  Милан vs Парма, Савичевиќ против Коуто и уште еден. Уметност.

Во 93' минута од мечот Елфсборг - АИК во шведската лига, при резултат 2:2, гостинскиот голман Будимир Јаношевиќ оди во противнички шеснаесетник. Ама домаќинот се одбрани и тргнува во жустра контра. Фудбалерите на АИК знаат дека голот им е празен па користат втора топка на теренот за да не примат гол.

Македонската фудбалска репрезентција вечерва во Цирих ја доби квалификациската група за Светско првенство 2022. Во Скопје ќе ни дојдат интересни противници, а со некои од нив никогаш не сме играле.

На 83 години, во саботата замина последниот жив руски репрезентативец кој учествуваше на инаугуративното Европско првенство. Го реши со гол во 113-та минута против Југославија за која настапи и штипската легенда Драгослав Шекуларац.

Росонерите под водство на Пиоли изгазија после првите 10 кола во Серија А. Скорот им е 8 победи и 2 нерешени, а на табела се лидери со +5 од Интер и +6 од Јуве и Наполи. Чисто за да ви биде појасно зошто младиот Белгиец Алексис Салемакерс, кој настапи на сите 10 средби, вака го почна денот.

Лигата на нации сезона 2020/2021 за нас е завршена, ама тоа не значи дека се завршени и шансите за пласман на СП 2022. Одиме по другиот пат, оној потешкиот, а тоа се редовните квалификации за кои вечерва ќе ги дознаеме противниците.

Некои ирански фудбалери го имаат усовршено изведувањето аут со колут напред. Делува лудо, а го паметиме Милад Мохамади кој на Светското 2018 така изведуваше. Сега во иранската прва лига Надер Мохамади од Пајкен Техеран даде гол од аут којшто го признаа, најверојатно зошто голманот Хагиги ја допрел топката.

Со апсолутна почит за нашата најголема пеачка икона, но националната Арена во Скопје би требало да го понесе името на човекот кој е најголем спортски амбасадор на земјава. Додека сè уште беа активни играчи, стадиони во нивна чест добија Дидие Дрогба, Фернандо Торес и многу други.

Роден и пораснат во Шефилд, во фамилија која религиозно навива за Венздеј. Така и Џејми цел живот во срце го носи Шефилд Венздеј. Па замислете како се чуствувал кога даде гол против главниот ривал Шефилд Јунајтед и тоа за победа на Лестер во 90-та минута.

Се вика Силас Вамангитука, има 21 година и изгледа треба да јаде заушки за да сфати дека ова не е Конго, туку Бундеслига. Фино што му донесе гостински триумф на Штутгарт над Вердер Бремен со два гола, ама сите го зборат за гестов поради кој доби жолт картон за неспортско однесување.

Микел Артета никако да ги склопи коцките во Арсенал и од коло во коло неговиот тим изгледа како просечна екипа која во моментов после поразот од Тотенхем е на 15. место. Против Спарс вториот гол го примија така што Парти повреден бараше измена а Артета го избутка да спречи контра. Во истата акција Кејн зголеми на 2-0.

Поранешниот репрезентативец на Македонија, Адис Јаховиќ со славниот германски напаѓач Лукас Подолски беа добитна комбинација викендов за победа на Анталијаспор над Анкарагучу од 1:0. Поранешата ѕвезда на Баерн и Арсенал му сервираше пас за сите пари на нашиов.

Некогаш славниот Крузеиро кој низ историјата освојуваше 2 пати Копа Либертадорес и е повеќекратен шампион на Бразил, сега игра во втора лига. Ги води Луис Фелипе Сколари. Синоќа со 4-1 го победија Бразил де Пелотас, а на тој меч падна и голот на колото. Стрелец Рафаел Собис.

Вест Хем води 1-0 против Манчестер Јунајтед и во 40' минута од мечот напаѓачот Себастијан Халер има шанса да ги нокаутира „црвените ѓаволи“. Прави маестрално сè што треба и кога треба да зголеми на 2-0, се лизга на теренот.

Во англискиот фудбал и натаму пред секој меч, во знак на борбата против расизмот, се клекнува на едно колено, како симболот на акцијата Black Lives Matter, ама не секаде е добро прифатен овој гест. По враќањето на навивачите на стадион, оние на Милвол протестираа против клекнување.

Неприкосновениот хрватски шампион по којзнае кој пат во последните неколку сезони игра сјајна улога во еврокуповите. Овојпат се први во својата група во Лига Европа и после 5 одиграни меча не примија ниеден гол. За таквиот учинок гордо се испрси Здравко Мамиќ.

Внимавајте добро на коментарите на навивачите за да сфатите какво играчиште има Македонија во среден ред: „Треба да му подигнат споменик“, „Териер фајтер со срце“, „Ќе се зборува за него и по 50 години.

Динамо Загреб синоќа му гостуваше на Феенорд кој го доби со 0:2, а камерите уловија една несекојдневна ситуација пред мечот кога соиграч на Адеми ја проба тревата глумејќи го Ѓоковиќ.

Фудбалскиот свет и натаму се простува со Диего Армандо Марадона кој почина пред девет дена. За најголемиот зборуваат и денешните, современи ѕвезди на фудбалот.

Во контекст на синоќешниот настап на Црвена Звезда против Хофенхајм, имаме јака случка со Џаро во истото натпреварување, ама кога играле против друг германски претставник. Тоа се тие југословенски финти.

Во среда на 9. декември во 14:30 ќе се одржи една од неколкуте аукции со вредни предмети од Марадона и Пеле. Интересот е огромен, неговиот дрес од мечот со „Божја рака“ проценет на 2 милиони долари но сопственикот не би го продавал.

Интересна компилација на Кристијано во која може да ги видите головите број 1, 100, 200, 300, 400, 500, 600, 700 и 750 од неговата кариера. Има 648 за клуб и 102 за репрезентација. Пред него има само тројца подобри во историјата: Пеле 767, Ромарио 772 и Жозеф Бикан 805.

Гремио се пласираше во 1/4 финале на Копа Либертадорес откако со 2-0 го совлада Гуарани од Парагвај дома и со вкупни 4-0 оди понатаму. Интересно мечот доцнеше зошто двата тима излегоа во многу идентични дресови.

На „Ајброкс“ Стивен Џерард и Ренџерс запишаа уште една победа во Лига Европа, овојпат против Стандард Лиеж 3:2, а мечот ќе се памети по една болна сцена. Гостинскиот фудбалер, Хрватот Дује Чоп во 40' минута зголеми на 1-2 ама во ист момент жестоко се удри во стативата. Брзо го извадија од игра поради повреда.