Барселона со играч помалку направи голем пресврт против Осасуна на гости, благодарение на интелигентниот потег на Рафиња со глава. Пред само месец ипол истото го сторил на мечот Бразил - Тунис. Погледне ја ова сличност.

Роден е 2004-та во Египет, син на имигранти од Јужен Судан. Го посвои Австралија, а солидарноста на луѓето таму му дозволи и да игра и да блесне. Никогаш не е стартер, туку влегува и го менува текот на натпреварите. Тоа го забележаа и Чави и Њукасл.

Во првата Бундеслига на мечот Келн - Баер Леверкузен (1:2), бекот Бено Шмиц го донесе домаќинот во водство во 30’ минута со прекрасен волеј, а сличен еврогол даде и Нилс Фролинг за голем златен бод за Ханза Рошток во 90+5’ минута за 1-1 против Нирнберг.

Бразилецот Едерсон е неприкосновен на голот на Манчестер Сити веќе неколку сезони. По сè изгледа ќе брани и на Светско првенство. Но во Лига Купот на Англија како што е ред, менаџерите обично ставаат втор тим и резервисти во игра, па така шанса со Челси синоќа доби Стефан Ортега и ја искористи максимално.

Болоња синоќа го налути Интер и откако поведе на Меаца за 50 минути прими 6 комада. Го издвојуваме волејот на Един Џеко и двата гола на Федерико Димарко.

Во силната конкуренција за Бразил има плејада на јаки имиња и талентирани млади играчи, а селекторот Тите најде место и за Дани Алвеш, кој по кусиот кам бек во Барселона, направи трансфер во Мексико за да остане во играчки ритам за Мундијалот. Легендарниот бек од 2006-та игра за репрезентација и има 124 настапи. Наскоро ќе видиме дали со своето искуство ќе му се најде на Бразил.

Требаше да му биде последен меч на Камп Ноу, но ова му е последен во кариерата, бидејќи поради црвениот вчера против Осасуна, нема да има право да настапи следно коло за Барса. Клупската камера вакви видеа прави само за легендите. Го снимаше уште кога влезе во кола за накај стадион. 615 средби, 30 трофеи. Жерар Пике.

Медиуми од западната сфера непрекинато фрлаат со дрвја и камења по Катар за тоа што таму загинаа илјадници необезбедени, неосигурани, незаштитени и сиромашни работници од Филипини, Индонезија, Непал и други земји. Но веќе е доцна. Катар доби домаќинство уште пред 12 години. Не вчера.

Не е за само наш Џани мајтапчија во Фенербахче. И Ирфан Кавечи го бива. Објави слика со македонскиот репрезентативец и се зезаше во стилот на Икер Касиљас и Карлос Пујол, за кои се направи драма дека се во врска.

Репрезентацијата на Австралија го продолжи континуитетот настапи на Светски првенства откако на пенали го совлада Перу во баражот. Според правилникот на ФИФА, „кенгурите“ го пратиле официјалниот список од 26 фудбалери колку што е максимум. Седумнаесет се доселеници или деца на доселеници од други земји.

Баварците го посипаа Вердер со 6 комада и само во првите 28 минути имаа постигнато 4 и плус Чупо Мотинг утна пенал. Она што може да го издвоиме од гостите е нивниот гол, единствен на средбата кој падна после акција ипол.

Пазете ги колку се јаки. Со викање, со страст и плус синхронизирани беа кога требаше да кулминираат. Замислете како би звучеле на гол на Кореа на Светско против Бразил.

Момците на Чави одиграа херојска партија на гостувањето против Осасуна. На полувреме губеа 1:0 и беа еден час со играч помалку поради два жолти картони на Левандовски. Педри израмни на самиот старт на вториот дел, а Де Јонг и Рафиња во 85-та минута ги изрежираа асистенцијата и голот на колото за конечни 1:2.

Каков Меси, Роналдо, Пеле, Марадона, Јохан Кројф или ова младиве Мбапе и Халанд. Ова што се случи во португалската петта лига е како на ФИФА 22. Следете го внимателно што ќе изрежира ликов.

Словенечкиот ас кој се изнадава голови во Италија и во еврокуповите, помина тешки месеци во борба со депресија. На крајот се повлече од голема сцена и се врати во татковината каде игра со ќејф.

Седум години откако е суспендиран поради корупција во ФИФА да не може да се бави со фудбал до 2027-ма, 86 годишниот деспот кој пет мандати беше недопирлив на најслатката фудбалска фотеља на планетата, реши да гукне нешто за најконтроверзниото Светско првенство. 12 години по изборот и 12 дена пред стартот, призна дека целата работа околу домаќинот е промашена и наместена.

Таму каде што знае да биде опасно човек нога да стави, Португалецот Мигуел Креспо пожртвувано влезе со глава, на синоќешниот меч Фенербахче - Сиваспор кој инаку. заврши 1:0 со голот на Енер Валенсија.

Рајо Ваљекано продолжува да биде нагазна мина за Реал и Барса. И Каталонците и Мадриѓаните често се лизнуваат во ова мадридско предградие. Така во понеделникот вечер, Рајо со 3:2 го урна големиот Реал Мадрид. Столе Димитриевски беше на висина на задачата цел меч иако не успеа да му одбрани пенал на Лука Модриќ.

Крилото на Манчестер Јунајтед кој летоска го направи најскапиот трансфер од Ајакс и холандскиот фудбал, вреден 95 милиони евра, има 22 години и 11 настапи за Бразил. Погледне ја оваа радост кога го прочитаа името за Мундијалот во Катар.

Во Бразил кога селекторот чита состав за Светско првенство, тоа е национален празник. Во домашна атмосфера цела нација слуша кој ќе патува на Мундијал, а кој ќе остане дома. Во таков момент, најголемата ѕвезда на Њукасл и фудбалер кој е најзаслужен што овој премиерлигаш е четврти после илјада година, Бруно Гимараеш се израдува поштено. Па макар и го разбудил бебчето кое има месец дена.

Имаме нереална фудбалска сцена за шпански услови, па уште и прва лига, реална за Кратово, Ѓорче и останатото во мак фудбал. Замислете на мечот Рајо Ваљекано - Реал Мадрид, првиот комшија до стадионот му ја фати жива на Валверде во стилот на Столе Димитриевски и тоа на балкон.

Македонскиот репрезентативен офанзивен лев бек не може ако не направи белја. Додека неговиот соиграч Креспо даваше изјава, Џани га скубна за коса. После продолжи да прави ѓурултии.

Самуел Соарес е роден 2002-ра и брани за Б тимот на Бенфика. Ако треба да се бира гол на годината, па и на деценијата постигнат од голман, тогаш дајте му ја нему наградата. Чудесија од лоб од 80-90 метри.

УЕФА ги спука во два часа и нешто ждрепките за сите три клупски европски натпреварувања.